‌كرێكارێك له‌كاتی كاركردندا كه‌وته‌خواره‌وه‌

وێستگه‌ نیوز –
به‌رپرسی‌ راگه‌یاندنی‌ پۆلیسی‌ گه‌رمیان رایگه‌یاند كه‌ له‌ ناوچه‌ی پیشه‌سازی قه‌زای كه‌لار كرێكارێك له‌كاتی كاركردندا كه‌وته‌ خواره‌وه‌ و به‌هۆی سه‌ختی برینه‌كه‌یه‌وه‌ ره‌وانه‌ی نه‌خۆشخانه‌ی سلێمانی كرا.

له‌ راگه‌یه‌ندراوێكدا كه‌ وێنه‌یه‌كی‌ ده‌ست وێستگه‌ نیوز كه‌وتووه‌، رائیدی مافپه‌روه‌ر عه‌لی جه‌مال قدووری به‌رپرسی‌ راگه‌یاندنی پۆلیسی گه‌رمیان وتی‌: "به‌یانی ئه‌مڕۆ سێشه‌ممه‌ له‌ناوچه‌ی پیشه‌سازی قه‌زای كه‌لار كرێكارێك به‌ناوی (گ.هـ.م.) له‌دایكبووی ساڵی‌ 1975 دانیشتووی قه‌زای كه‌لار به‌ برینداری هێنرایه‌ به‌شی فریاكه‌وتنی شه‌هید هه‌ژار".

وتیشی‌: "ناوبراو كاری بۆیاغكردن ده‌كات و به‌یانی ئه‌مڕۆ له‌كاتی كاركردندا له‌سه‌ربان كه‌وته‌ خواره‌وه‌".

به‌رپرسی‌ راگه‌یاندنی پۆلیسی گه‌رمیان ئه‌وه‌شی‌ خسته‌ڕوو كه‌ "دوای گه‌یاندنی به‌به‌شی فریاكه‌وتنی شه‌هید هه‌ژار و چاره‌سه‌ری پێویست به‌هۆی سه‌ختی برینه‌كه‌یه‌وه‌ ڕه‌وانه‌ی نه‌خۆشخانه‌ی سلێمانی كرا".

ئاماژه‌شی‌ به‌وه‌دا كه‌ له‌ئێستادا په‌ڕاوی بۆ كراوه‌ته‌وه‌ و پۆلیسیش له‌سه‌ر چۆنێتی رووداوه‌كه‌ ده‌ستی به‌لێكۆڵینه‌وه‌ كردووه‌.


PM:05:44:05/09/2017


ئه‌م بابه‌ته 2346 جار خوێنراوه‌ته‌وه‌‌




زۆرترین خوێندراو