زیاتر لە 150 دۆنم پوش و پاوان له سنوری ماوه‌ت و پیره‌مه‌گرون سوتاون
دیمەنێک لە سوتانی پوش و پاوانی ناوچەکە
وێستگه نیوزـ
لەماوەی دوو ڕۆژی ڕابردوودا ئاگرێکی فراوان گوندەکانی سنوری ماوەت و پیرەمەگرون کەوتەوە و بەوهۆکارەش ڕوبەرێکی زۆر فراوان لە پوش و پاوان و داری سروشتی و ڕەز و باخی هاوڵاتیان سوتان و زیانی زۆریان پێگەیشتوە و له‌سه‌ر ئه‌و روداوانه‌ش هاوڵاتییه‌ك ده‌ستگیركراوه.
عقید هێمن کمرخان ئه‌فه‌ندی، بەڕێوەبەری راگەیاندنی بەڕێوەبەرایەتی پۆلیسی دارستان و ژینگەی پارێزگای سلێمانی ڕایگەیاند لە ماوەی دوو رۆژی رابردوودا لە سنوری گوندەکانی سفرە و زەنون لە ماوەت و چەند ناوچەیەکی سنوری پیرەمەگرون، ئاگرێک کەوتوه‌تەوە و دەستبەجێ مەفرەزەکانی به‌شی پۆلیسی دارستانی ژینگەی هەردو ناوچەکە گەیشتونەتە شوێنی روداوەکە.
عه‌قید هێمن راشیگه‌یاند كه توانراوه لەماوەیەکی کەمدا ئاگرەکە کۆنترۆڵ بکرێت و بەوهۆکارەش زیاترله 150 دۆنم لە پوش و پاوان سوتاوە و نزیكه‌ی پێنج دۆنم ڕەزو باخی هاووڵاتیان زیانی پێگەیشتووە.
ئاشكراشیكرد كه بەپێی بەدواداچوونەکان دەرکەوتوە هۆکاری ئاگرکەوتنەوەکه بەهۆی پابەندنەبوونی هاوڵاتیان بووە، له‌سه‌ر ئه‌و روداوه‌ش هاوڵاتییه‌ك دەستگیرکراوە و لێکۆڵینەوەش لەو بارەیەوە بەردەوامە.
PM:01:37:22/08/2017
ئه‌م بابه‌ته 3642
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت