سلێمانی.. کەسێک تەقەی لە خانەوادەی خۆی کرد و پێنج ئەندامی خێزانەکەی کوشت

‌

وێستگە نیوز- 

کوڕێک لە گەڕەکی مامۆستایانی شاری سلێمانی تەقەی لە خانەوادەی خۆی کرد و پێنج ئەندامی خێزانەکەی کوشت. 

سەرچاوەیەکی پۆلیسی سلێمانی بە وێستگە نیوز-ی راگەیاند، بکوژەکە نەخۆشی دەروونی هەبووە و تەقەی لە ئەندامانی خێزانەکەی کردووەو کوشتوونی و هەڵاتووە. 

سەرچاوەکە وتیشی، لە ئێستادا هێزێکی ئەمنی زۆر لە گەڕەکەکەدا بڵاوەیان پێکراوەو هەروەها لەناو شاری سلێمانیش هێزە ئەمنیەکان بە چڕی بە دوای بکوژەکەدا دەگەڕێن.  

پەیامنێری وێستگە لە شوێنی رووداوەکەوە رایگەیاند، " لە ئێستاشدا دەنگی تەقە لە کۆڵانی پشتەوەی ئەو گەڕەکەوە دەبیسترێت کە پێنج کەسەکەی تێدا کوژراون".