وەزارەتی تەندروستی عێراق دەرگای دامەزراندنی بۆ دەرچووانی کۆلێژ و پەیمانگە پزیشکییەکانی هەرێمی کوردستان کردەوەو دەرچوانی ساڵی خوێندنی 2022-2023 دەتوانن فۆڕمی دامەزراندن پڕبکەنەوە.
ئه‌مڕۆ چوارشه‌ممه 1ی ئایاری 2024، وه‌زاره‌تی ته‌ندروستیی عێراق رایگه‌یاندوه كه له‌سه‌ر راسپارده‌ی د.ساڵح مه‌هدی حه‌سناوی، فه‌رمانگه‌ی په‌ره‌پێدان و پلاندانانی سه‌ربه وه‌زاره‌ت داوا له ده‌رچوانی کۆلێژ و پەیمانگە پزیشکییەکانی هەرێم ده‌كات فۆرمی دامه‌زراندن پر بكه‌نه‌وه.
بریاری دامه‌زراندنه‌كه بۆ ده‌رچوانی ساڵی 2022-2023یه كه یاسای پله‌به‌ندیی پزیكشیی ژماره 6ی ساڵی 2000 ده‌یانگرێته‌وه.
وه‌زاره‌تی ته‌ندروستی لینكی فۆرمی دامه‌زراندنه‌كه‌ی داناوه و خوازیارانی دامه‌زراندنه‌كه‌ی ئاگادار كردوه‌ته‌وه كه ئه‌و لینكه تا 15 رۆژ ئاكتیڤ و كراوه ده‌بێت و له‌حاڵه‌تی هه‌ر پرسیارێكیشدا ده‌توانن له خانه‌ی تایبه‌ت به پرسیار، داوای رونكردنه‌وه بكه‌ن و به زووترین كات وه‌ڵام ده‌درێنه‌وه.
AM:09:32:01/05/2024