پهیامی بارزانی بهبۆنهی جهژنی قوربانی پیرۆزهوه
وێستگه نیوزـ
بارزانی بهبۆنهی هاتنی جهژنی قوربانی پیرۆز پهیامێكی بڵاوكردهوه و هیوای خواست له 25ی ئهیلولدا سهرجهم خهڵكی كوردستان به دهنگی "بهڵێ" بۆ سهربهخۆیی ئهو رۆژه بكهنه جهژنێكی گهورهی نیشتمانی.
بارزانی پیرۆزبایی له موسڵمانانی كوردستان و جیهان و هێزی پێشمهرگهو هێزه ئهمنییهكانی كوردستانیش كردووه كه " ماندوونەناسانە ئەركی پاراستنی ئارامی و ئاساییشی خەڵكیان بە باشی ئەنجام داوە".
دهقی پهیامهكهی بارزانی:
بەناوی خودای بەخشندە و میهرەبان
بەبۆنەی هاتنەوەی جەژنی پیرۆزی قوربانەوە پیرۆزبایی لە خەڵكی كوردستان و هەموو موسڵمانانی جیهان دەكەم. پیرۆزبایی لە خانەوادەی سەربەرزی شەهیدان دەكەم كە بە خوێنی ئازیزانیان ئازادی و شكۆی وڵاتەكەمان پارێزراوە. پیرۆزبایی لە هەموو پێشمەرگە قارەمانەكان دەكەم كە لە سەنگەری بەرگریكردن لە كەرامەتی گەل و خاكی نیشتیمانن و دەستخۆشیش لە هێزەكانی ئاساییش و پۆلیس دەكەم كە ماندوونەناسانە ئەركی پاراستنی ئارامی و ئاساییشی خەڵكیان بە باشی ئەنجام داوە.
هیوادارم لە 25ی ئەیلوول، هەموو خەڵکی کوردستان بە دەنگی بەڵێ بۆ سەربەخۆیی، ئەو ڕۆژە بکەنە جەژنێکی گەورەی نیشتیمانی و ساڵانی داهاتوو ئەو ڕۆژە وەک جەژنی سەربەخۆیی یاد بکەینەوە.
جەژنتان پیرۆز و هیوای شادی و بەختەوەریتان بۆ دەخوازم.
مسعود بارزانی
31ی8ی2017
PM:06:01:31/08/2017
ئهم بابهته 4275
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت