نیشانە و ڕێگاکانی خۆپاراستن لە دڵەکزێ
وێستگە ستایل-
هەستکردن بە ئازار و سوتانەوە لە ژێر کۆڵەی سنگ دەرەنجامی گەڕانەوەی ترشەڵۆک و شلاوی گەدەیە بۆ ناو سورێنچک، ئەگەر دڵەکزێ دووبارە بووەوە بۆ زیاتر لە دوو جار لە ھەفتەیەکدا واتا گەڕانەوەی ترشەڵۆک بە هۆی شلبوونەوەی گوشەری نێوان گەدە و سورێنچک، ئەوا ئەو ئازارە هیچ پەیوەندی بە دڵەوە نیە.
نیشانەکانی :
1- ئازاری سەر كۆڵەی سنگ.
2- هێڵنج دان لە دوای نان خواردن.
3- زوو تێر بوون لەسەر سفرە.
4- كۆكەی ووشك.
5- تاڵی و گەڕانەوەی خواردنی گەدە بۆ ناو دەم.
6- زیادبوونی نیشانە و دەرکەوتەکانی بە پاڵ کەوتن یان چەمینەوە بۆ پێشەوە.
ھۆکارە پاڵنەرەکان ئەمانەن:
1- خواردنی تون و تیژ.
2- پیاز.
3- سرەکەی میوە ( سێو ،ترێ ،ئەنەناس ).
4- دۆشاوی تەماتە و کەچەپ.
5- خواردنی سورە کراوەو چەرو.
6- چۆکلێت و شیرینی.
7- مەشروبات و گیراوە گازیەکان.
8- چاو و قاوە.
9- زۆر خواردن.
10- دەرمان وەک ئەسپرین و پرۆفین.
11- قەڵەوی و دووگیان بوون لە ئافرەتاندا ئەگەری دڵە کزێ زیاد دەکات.
12- لە ھەندێ باردا فتقی گەدە (گەدەەپۆس).
- ڕێگاکانی خۆپارێزی و چارەسەر:
1- دوورکەوتنەوە لەو خواردنانەی سەرەوە بەتایبەت لە ئێواراندا.
2- دابەزاندنی کێش لە کەسانی قەڵەودا.
3- وازهێنان لە جگەر کێشان و ئەلکھول .
4- وازهێنان لە خوردن و خواردنەوە (2-3 ) کاژێر پێش خەوتن.
5- خەوتن لەسەر لای چەپ تا بەرەبەیان پاشان کەوتنەوە سەر لای ڕاست.
6- دوورکەوتنەوە لە فشار و تەنگژەی دەروونی و پاڵنەرەکانی قەلەقی.
7- بەکارنەهێنانی جلی تەسک و نەبەستنی پشتێن و قایشی توند.
8- سەرت بەرز بێت لە کاتی خەوتندا باشترە لە کەمەر بەرە سەرەوە بە نیزیکەی 8 ئینج (20 سم ).
9- دوورکەوتنەوە لە خواردنی چەور و قورس .
10- دوورکەوتنەوە لە پاڵ کەوتن ڕاستەوخۆ دوای نان خواردن .
PM:12:52:27/11/2025
ئه‌م بابه‌ته 124
جار خوێنراوه‌ته‌وه