نەخۆشی گیرانی میزەڵدان چییە ؟
وێستگە ستایل-
نەخۆشی گیرانی میزەڵدان هۆکاری گەڕانەوەی میزە بۆ ناو گورچیلە کە لە کەسی ئاسایی نابێت بگەڕێتەوە، بەڵام ئەم هۆکارە زۆرجار ون دەکرێت، وە گورچیلەی گیراو گورچیلەیەکی مردووە، دکتۆر طارق عەزیز ڕاوێژکار لە نەشتەرگەری میزەڕۆ ڕوونکردنەوەی زیاتر دەدات لەسەر ئەم نەخۆشییە:
1- نەخۆشی میزەڵدانی گیراو بە بەرد، گرێ، تەسکبوون، یان گەورەبوونی پرۆستات دەکرێت ببێتە هۆی لەکارکەوتنی لەناکاو یان درێژخایەنی گورچیلە. یەکێکە لەو کەمترین هۆکارانەی سستبوونی گورچیلە کە دەتوانرێت بگەڕێتەوە باری ئاسایی، بەڵام ئەگەر زوو بناسرێتەوە و چارەسەر بکرێت.
2- نیشانەکانی دەکرێت ناڕوون بن وەک ئازاری پشت، دەرچوونی خراپی میز، یان تەنها بەرزبوونەوەی ڕێژەی کریاتینین.
3- هەرگیز نابێت چاوپۆشی لە نەخۆشێک بکرێت کە کەم میزە و گورچیلەکانی پڕبووە لە میزی گەڕاوە، پشکنینی وێنەیی خێرا (سۆنەر یان CT scan) زۆر گرنگە و لە حاڵەتە فریاگوزارییەکاندا بە خێرایی گیرانەکە لادەبرێت بە دانانی سۆندەیەک بۆ ناو گورچیلە یان دانانی سۆندەی میز چونکە هەموو کاتژمێرێک گرنگە، پشتگوێخستنی گیرانەکە دەبێتە هۆی زیانێکی نەگەڕاوە، هەوکردنی خوێن یاخود مردن.
PM:01:08:04/08/2025
ئه‌م بابه‌ته 544
جار خوێنراوه‌ته‌وه