مانای بینینی گوێدرێژ لە خەودا: ئایا نیشانەی خێرە یان مەینەتی؟
وێستگە ستایل-
مانای بینینی گوێدرێژ لە خەودا: ئایا نیشانەی خێرە یان مەینەتی؟
وێستگە ستایل - سۆلین عوسمان
لە کلتووری کۆن و لێکدانەوەی خەونەکاندا، گوێدرێژ یەکێکە لەو ئاژەڵانەی مانای جیاوازی هەیە؛ زۆرجار وەک سیمبوولی سەبر و بەرگەگرتن سەیر دەکرێت، بەڵام هەندێک جار ئاماژەیە بۆ گەشت و بەدەستهێنانی پلە و پایە.
بەپێی سەرچاوە بەناوبانگەکانی لێکدانەوەی خەون (وەک ئیبن سیرین)، بینینی گوێدرێژ بەگشتی بە "بەخت و ئاقیبەتی مرۆڤ" لێکدەدرێتەوە. ئەگەر گوێدرێژەکە قەڵەو و گەورە بێت، ئەوا بەڵگەیە بۆ زیادبوونی ماڵ و سامان و بەرزبوونەوەی پلەی کەسەکە، بەڵام ئەگەر لاواز بێت، پێچەوانەکەی ڕاستە و ڕەنگە نیشانەی کەمبوونەوەی داهات بێت.
وردەکارییەکان جیاوازن؛ ئەگەر کەسێک لە خەودا ببینێت سواری گوێدرێژ بووە و گوێدرێژەکە گوێڕایەڵی بوو، ئەوا بەسەر کێشەکانیدا زاڵ دەبێت و کاروباری ژیانی ڕێک دەبێت. بەڵام ئەگەر گوێدرێژەکە فڕێی دایە خوارەوە، ڕەنگە تووشی زیان یان لەدەستدانی پلەکەی ببێت. هەروەها بیستنی دەنگی گوێدرێژ (زەڕین ) لە خەودا زۆرجار بە نیشانەیەکی باش دانانرێت و ڕەنگە ئاماژە بێت بۆ بیستنی هەواڵێکی ناخۆش یان بوونی کەسێکی خراپ لە دەوروبەری خەونبینەکە.
لە کلتووری ڕۆژهەڵاتدا، گوێدرێژ هەمیشە هاوەڵی مرۆڤ بووە لە کارە سەختەکاندا، بۆیە لە جیهانی خەونیشدا وەک هەڵگری بار و بەرپرسیارێتییەکان دەردەکەوێت. ڕەنگەکەی (ڕەش، سپی، یان بۆر) دەکرێت ئاماژە بێت بۆ جۆری ئەو خۆشی یان ناخۆشییەی دێتە ڕێی کەسەکە؛ بۆ نموونە گوێدرێژی ڕەش زۆرجار بە سەروەری و دەسەڵات لێکدەدرێتەوە.
بە کورتی، بینینی گوێدرێژ لە خەودا ترسناک نییە و زۆرجار پەیوەستە بە ڕرزق و ڕۆزی و ماندووبوونی ڕۆژانەوە، بە مەرجێک ئاژەڵەکە لە خەوەکەدا ئازاری خەونبینەکەی نەدابێت و گوێڕایەڵ بووبێت.
سەرچاوە - خەوننامەی ئیبن سیرین
PM:07:01:10/12/2025
ئهم بابهته 84
جار خوێنراوهتهوه