سەمای ڕۆح لە گوالیۆر؛ ١٠١ـەمین فیستیڤاڵی "تەنسێن" دەست پێ دەکات
وێستگە ستایل-
سەمای ڕۆح لە گوالیۆر؛ ١٠١ـەمین فیستیڤاڵی "تەنسێن" دەست پێ دەکات
وێستگە ستایل - سۆلین عوسمان
لە شاری مێژوویی "گوالیۆر"ی هیندستان، پەردە لەسەر ١٠١ـەمین خولی فیستیڤاڵی شکۆداری "تەنسێن سامارۆ" لادرا؛ فیستیڤاڵێک کە وەک قیبلەی مۆسیقای کلاسیک دەناسرێت و ڕێز لە ڕۆح و میراتی مۆسیقژەنی ئەفسانەیی "تەنسێن" دەگرێت.
لە نزیک مەزارگەی مێژوویی "هازیرا"، ئاوازە ڕەسەنەکان بۆ ماوەی پێنج ڕۆژ ئاسمان دەهەژێنن. گەورە مۆسیقژەنانی هیندستان و جیهان لەسەر ستەیجێک کە بە شێوازی تەلارسازیی پەرستگای "چاتوربوج" دیزاین کراوە، هونەری خۆیان نمایش دەکەن.
دەستپێکی فیستیڤاڵەکە بە نوتەی ئەفسووناویی هونەرمەندانی وەک "ئەمجەد عەلی خان" و "سانجیڤ ئەبیانکەر" بوو، هاوکات خەڵاتە بەنرخەکانی "تەنسێن" و "راجا مانسینگ" پێشکەش بە پارێزەرانی ئەم هونەرە کران.
"تەنسێن سامارۆ" تەنها کۆنسێرتێک نییە، بەڵکو بەردەوامیی زنجیرەیەکە کە سەدەی ١٦ بە ئەمڕۆ دەبەستێتەوە. ئەم فیستیڤاڵە ساڵانە توێژەران و عاشقانی هونەری باڵا لە خۆی کۆدەکاتەوە و پەیامێک دەدات کە هیندستان پابەندە بە پاراستنی ڕەسەنایەتیی مۆسیقاکەی و ناهێڵێت تۆزی فەرامۆشی لەسەر ئاوازە دێرینەکانی بنیشێت.
سەرچاوە: تایمز ئۆڤ ئیندیا، کانوونی یەکەمی ٢٠٢٥.
PM:06:44:16/12/2025
ئهم بابهته 36
جار خوێنراوهتهوه