شازادەی جێنشینی ئەردەن یادی لەدایکبوونی کچەکەی کردەوە
وێستگە ستایل-
لە نوێترین دەرکەوتنیدا شازادەی جێنشینی شانشینی هاشمی ئەردەن حسێن کوڕی عەبدوڵڵای دووەم لە ئاهەنگێکدا یادی ڕۆژی لەدایکبوونی شازادە ئیمانی کچی کردەوە.
شازادە حسێن لە پێگەی فەرمی خۆی لە تۆڕی کۆمەڵایەتی ئینستاگرام بە نووسینی چەند وتەیەک لەسەر وێنەی کچەکەی یەکەم یادی لەدایکبوونی شازادە ئیمانی بەرز نرخاند، بۆ کچەکەی نووسیوە" خودای گەورە تۆ کچەکەم بۆ بپارێزە، ئەو بەنرخترین و جوانترین بەخششی تۆیە بۆ ئێمە، هەموو ساڵێک بە خۆشی کچە خۆشەویستەکەم ئیمان".
شازادە ئیمان کچی شازادەی جێنشین حسێن و شازادە ڕەجوەیە کە لە بەرواری 3 ی ئابی 2024 چاوی بە دونیا هەڵهێناوە، لەدایکبوونی ئەم شازادەیە لە تەواوی تۆڕە کۆمەڵایەتییەکان بە بۆنەیەکی گرنگ دانرا و بە درێژای ئەم ساڵە ئەم شازادەیە لەگەڵ دایک و باوک و پاشا عەبدوڵڵای دووەم و شاژنە ڕانیا ی باپیرە و داپیرەی دەرکەوتووە.
PM:12:14:04/08/2025
ئه‌م بابه‌ته 880
جار خوێنراوه‌ته‌وه