ڤیدیۆ.. تۆتنهام یاری لوتكەی لە ئارسیناڵ بردەوە
وێستگە سپۆرت-
یانەی تۆتنهام لە یاریگای خۆی سێ خاڵی قورسی لە ئارسیناڵ وەرگرت و بە دوو گۆڵ بەرامبەر گۆڵێك لێی بردەوە.
لە یارییەكانی هەفتەی 35ی خولی یانەكانی ئینگلتەرا یانەی تۆتنهام لە یاریگای خۆی میوانداری یانەی ئارسیناڵی كرد .
لە خولەكی 16 ئەلیكساندەر لاكازێتی فەڕەنسی گۆڵێكی بۆ ئارسیناڵ تۆماركرد ، دوای سێ خولەك هیۆنگ سۆن مین گۆڵی بەرامبەری بۆ تۆتنهام تۆماركردەوە وتایمی یەكەم بەو ئەنجامە كۆتاییهات .
لە تایمی دووەمدا و لەخولەكی 81 ئەلدێرفێرڵد گۆڵی دووەمی بۆ تۆتنهام تۆماركرد و یارییەكەش هەر بەو ئەنجامە لە سودی تیپەكەی مۆرینۆ كۆتاییهات .
بەو ئەنجامە خاڵەكانی تۆتنهام بووە 52 خاڵ و لە پلەی هەشتەمدایە ویانەی ئارسیناڵیش بە 50 خاڵ لە پلەی نۆیەمدایە .
PM:10:53:12/07/2020
ئه‌م بابه‌ته 1016
جار خوێنراوه‌ته‌وه