ڤیدیۆ.. ریاڵ مەدرید بە ئەنجامێكی گەورە لە گەڵەتەسەرای بردەوە
وێستگە سپۆرت-
یانەی ریاڵ مەدرید بە پێنج گۆڵی بێ وەڵام شكستی بە گەڵەتەسەرای توركی هێنا وسێ خاڵی گرنگی دەستەبەركرد.
لە یارییەكانی كۆمەڵەی یەكەم و جەولەی چوارەمی خولی یانە پاڵەوانەكان یانەی ریاڵ مەدرید لە یاریگای سانتیاگۆ بێرنابیۆ میوانداری یانەی گەڵەتەسەرای توركی كرد .
لەگەڵ دەسپێكی یارییەكەو لەخولەكەكانی چوار وحەوت رۆدریگۆ گۆس دوو گۆڵی بۆ یانەی شاهانە تۆماركرد و دواتر ولەخولەی 14 رامۆس گۆڵی سێیەمی بۆ ریاڵ مەدرید زیادكرد و لە كۆتا خولەكی تایمی یەكەمیشدا كەریم بنزیمە گۆڵی چوارەمی بۆ ریاڵ مەدرید زیادكرد و تایمی یەكەم بە چوار گۆڵی بێ وەڵام كۆتایهات .
لە تایمی دووەمداو لەخولەكی 81 جارێكی دیكە كەریم بنزیمە سەردانی تۆڕی گۆڵی یانە توركییەكەی كردەوەو گۆڵی دووەمی خۆی و پێنجەمی یانەكەی تۆماركرد و لەخولەكی زیادكراویشدا رۆدریگۆ گۆڵی سێیەمی خۆی واتە هاتریك و شەشەمی یانەی شاهانەی تۆماركرد.
بەو بردنەوەیە خاڵەكانی ریاڵ مەدرید بووە حەوت خاڵ ولە پلەی دووەمدایە وگەڵەتەسەرایش خاوەنی یەك خاڵە و لە دوای پلەی كۆمەڵەكەیدایە .
AM:12:59:07/11/2019
ئه‌م بابه‌ته 3136
جار خوێنراوه‌ته‌وه