راوە ماسی قەدەغە کرا

‌راوی ماسی قەدەغە کرا

وێستگه‌ نیوز-
وه‌زاره‌تی كشتوكاڵ و سه‌رچاوه‌كانی ئاو له‌ هه‌رێمی كوردستان وه‌رزی قه‌ده‌غه‌كردنی راوه‌ماسی راگه‌یاند، بۆ جێبه‌جێكردنی بریاره‌كه‌ش سه‌رجه‌م به‌رێوەبه‌رایه‌تیه‌كانی ئاگاردار كرده‌وه‌.


بەڕێوەبەرایەتی گشتی سامانی ئاژەڵ و فێتەرنەری سەربە وەزارەتی كشتوكاڵ، لە نوسراوێكدا كە رۆژی یەكشەممە 10ی ئازاری 2019 دەرچووەو گشتاندنی بۆ سەرجەم بەڕێوەبەرایەتییە گشتییەكانی كشتوكاڵ لەپارێزگاكانی هەرێمی كردووە، رایگه‌یاندووه‌: "بریاردرا له‌سه‌ر قه‌ده‌غه‌كردنی راوه‌ماسی له‌ 15/3/2019 تا 14/6/2019 له‌ گشت پارێزگاكانی هه‌رێمی كوردستان".

بەڕێوەبەرایەتی گشتی سامانی ئاژەڵ و فێتەرنەری هۆكاری ئه‌و بریاره‌شی بۆ هاتنی وه‌رزی زاوزێی ماسی گه‌راندوةته‌وه‌.

له‌ بریاره‌كه‌دا باس له‌وه‌شكراوه‌ كه‌ "راوكردنی ماسی له‌ ريَگا و مادده‌ ژه‌هراوی و ته‌قه‌مه‌نییه‌كان، له‌گشت وه‌زركان قه‌ده‌غه‌یه‌".

ساڵانه‌ و بۆ ماوەی سێ مانگ بەمەبەستی پاراستنی سەرمایەی ماسی له‌ هه‌رێمی كوردستان ڕاوكردنی ماسی قەدەغە دەكرێت، چونكە ئەو سێ مانگەدا بە وەرزی گەرادانانی ماسی دادەنرێت.

هــ. ر


AM:11:54:11/03/2019




ئه‌م بابه‌ته 816 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو