له‌ سلێمانی به‌ زۆر ئۆتۆمبێلێكی گرانبه‌ها له‌ ژنه‌ پزیشكێك ده‌سه‌ندرێت

‌وێنەکە خوازراوە

وێستگه‌ نیوز ـ هه‌ستیار
له‌ سلێمانی چەند کەسێکی نەناسراو به‌ زۆر ئۆتۆمبێلێكی گرانبه‌ها له‌ ژنە پزیشکێک ده‌سه‌نن، پۆلیسی سلێمانیش رایده‌گه‌یه‌نێت، تا ئێستا تۆمه‌تباره‌كان ده‌ستگیر نه‌كراون.


سەركەوت ئەحمەد، به‌ڕێوه‌به‌ری راگه‌یاندن و په‌یوه‌ندییه‌كانی پۆلیسی سلێمانی به‌ وێستگه‌ نیوزی راگه‌یاند:  هەفتەیەك لەمەوبەر چەند كەسێك دوای ژنە پزیشكێك كەوتوون و لەبەردەم ئەمنەسوورەكەی سلێمانی وەستاندوویانە و ئۆتۆمبێلێكی جۆری لێگززیان لێسەندووە.

سه‌ركه‌وت ئه‌حمه‌د وتیشی: "دیارە ئەو كەسانە پێشتر چاودێری ئەو ژنە پزیشكەیان كردووە، واتە پلان بۆ داڕێژراو بووە و ژنەکەش سكاڵای یاسایی تۆماركردووە، بەقسەی پزیشكەكە ئەو كەسانە سێ بۆ چوار كەس بوون".

ئەوەشی خستەڕوو: "پۆلیسی نەهێشتنی تاوان سەرقاڵی كۆكردنەوەی زانیاریە، بەڵام تائێستا تۆمەتباره‌كان دەستگیرنەكراون".


PM:09:44:13/11/2018


ئه‌م بابه‌ته 20784 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو