به‌كارهێنانی ئه‌م جۆره‌ زه‌یتانه‌ هۆكارن بۆ زیادبوونی هه‌وكردن له‌ جه‌سته‌دا ئه‌مه‌ش مه‌ترسی گه‌شه‌ی‌ خانه‌ شێرپه‌نجه‌ییه‌كان زیاد ده‌كات له‌ڕوی بایلۆجیه‌وه‌ چالاكیان ده‌كات، پسپۆڕان ڕێنمایی هاوڵاتیان ده‌كه‌ن دووربكه‌ونه‌وه‌ له‌به‌كارهێنانی ئه‌و جۆره‌ زه‌یتانه‌ی‌ له‌ تۆوی ڕوه‌ك دروست ده‌كرێن چونكه‌ هۆكاری توشبوونن به‌ نه‌خۆشییه‌كانی دڵ و شه‌كره‌، باشتره‌ زیاتر زه‌یتی زه‌یتوون و ئه‌ڤۆگادۆ به‌كاربهێنن.

له‌گه‌ڵ ئه‌وه‌شدا كۆمه‌ڵه‌ی‌ نه‌خۆشی شێرپه‌نجه‌ و نه‌خۆشییه‌كانی دڵ له‌ ئه‌مه‌ریكا جه‌خت له‌سه‌ر ئه‌وه‌ ده‌كه‌نه‌وه‌ هیچ به‌ڵگه‌یه‌ك نییه‌ بیسه‌لمێنێت به‌كارهێنانی بڕێكی مامناوه‌ند له‌ زه‌یت زیانی هه‌یه‌ بۆ ته‌ندروستی.

ئه‌نجامی ئه‌م توێژینه‌وه‌یه‌ له‌كاتێكدایه‌ ڕێژه‌ی‌ توشبوون به‌ شێرپه‌نجه‌ی‌ كۆڵۆن له‌ناو گه‌نجانی ئه‌مه‌ریكا زیادی كردوه‌ و پێشبینی ده‌كرێت ئه‌م جۆره‌ی‌ شێرپه‌نجه‌ %90 زیاترببێت له‌ناو ئه‌و كه‌سانه‌ی‌ ته‌مه‌نیان له‌ 50 ساڵ كه‌متره‌، ئه‌و خۆراكانه‌ش كه‌ ده‌ستكاری پێكهاته‌كه‌ین كراوه‌ و بڕێكی زۆر چه‌وری و شه‌كریان تیادایه‌ هۆكاری زیادبوونی ڕێژه‌ی‌ هه‌وكردنی كۆئه‌ندامی هه‌رسه‌.