جارێكی دیكه زنجیره‌ی خێزانی سمبسۆن بۆته جێگه‌ی قسه‌و باس
وێستگە ستایل-
هێشتا زنجیره‌ی خێزانی "سمبسۆن" قسه‌و باسی گه‌رمی ناو تۆڕه كۆمه‌ڵایه‌تیه‌كانه، هه‌ندێك لایان وایه ئه‌وه‌ی له‌م زنجیره‌یه‌دا باسكراوه پێشبینی زۆر شتی ئه‌م سه‌رده‌مه‌ی كردوه.
دواین دیمه‌نه‌كانی ئه‌م زنجیره‌یه په‌یوه‌ندیدار كرایه‌وه به لێدوانه‌كانی كاندیدی كۆماریه‌كان" دۆناڵد تره‌مپ" له به‌رامبه‌ر كاندیدی دیموكراته‌كان "كامالا هاریس" له‌سه‌ر خواردنی كۆچبه‌ره‌كان كه گۆشتی سه‌گ و پشیله ده‌خۆن.
تره‌مپ باسی له‌وه كردوه ئه‌و كۆچبه‌رانه‌ی له هایتی یه‌وه چونه‌ته سیرینگفیلد له ویلایه‌تی ئۆهایۆ سه‌گ و پشیله‌یان فڕاندوه بۆ ئه‌وه‌ی گۆشته‌كه‌ی بخۆن.
له یه‌كێك له ئه‌ڵقه‌كانی زنجیره‌ی سیمبسۆن دیمه‌نی ئه‌وه هه‌یه كه گۆشتی سه‌گ ده‌خورێت، ئه‌مه‌ش هه‌واداره‌كانی زنجیره‌كه به قسه‌كانی ئه‌م دواییانه‌ی تره‌مپ لێكی ده‌ده‌نه‌وه،بێجگه له‌وه‌ش تره‌مپ به‌دیاریكراوی ناوی ئه‌و شاره‌ی هێناوه كه له زنجیره‌كه‌دا ئاماژه‌ی بۆ كراوه.
PM:06:52:12/09/2024
ئه‌م بابه‌ته 2292
جار خوێنراوه‌ته‌وه