بلومبێرگ سامانه‌كه‌ی سیلینای ئاشكرا كرد
وێستگە ستایل-
ڕاپۆرتێكی ئاژانسی"بلومبێرگ" ی ئه‌مه‌ریكی سامانه‌كه‌ی خانمه هونه‌رمه‌ندی گۆرانیبێژ"سیلینا گومێز" ی ئاشكرا كرد، بۆته ملیاردێر و بڕی سامانه‌كه‌ی 1.3 ملیار دۆلاری ئه‌مه‌ریكی.
سیلینیا ئێستا ته‌نها خانمه هونه‌رمه‌ندێكی ناودار نییه به‌ڵكو خاوه‌نی كۆمپانیای تایبه‌ت به به‌رهه‌می جوانكاریه.
ئاژانسه‌كه ئاشكرای كردوه ئه‌م خانمه 32 ساڵه كه سه‌ره‌تای ژیانی وه‌ك گۆرانیبێژ و ئه‌كته‌رێك له ته‌مه‌نی منداڵیدا ده‌ركه‌وت، ئێستا بۆته خاوه‌نی ماركه‌ی خۆی له بواری كه‌ره‌سته‌ی جوانكاری و یه‌كێكه له و ئافره‌تانه‌ی له ته‌مه‌نێكی كه‌مدا بۆته خاوه‌نی سامانی خۆی و ملیاره‌ها دۆلاری هه‌یه.
بلومبێرگ ئاشكرای كردوه، به پێچه‌وانه‌ی كچه هاوڕێ نزیكه‌كه‌ی" تایلۆر سویفت" كه بۆته ملیاردێر به‌هۆی ئه‌و ئاهه‌نگانه‌ی له وڵاتان ده‌یگێڕێت، سیلینا بێجگه له گۆرانی وتن ئه‌كته‌ر بووه و پاش ئه‌وه كۆمپانیای تایبه‌ت به كه‌ره‌سته‌ی جوانكاری كردۆته‌وه و له تۆڕه كۆمه‌ڵایه‌تیه‌كان ملیۆنه‌ها فۆڵۆوه‌ری هه‌یه.
ئه‌م خانمه سێهه‌م ناودارترین كه‌سایه‌تی سۆشیال میدیایه پاش كریستیانۆ ڕۆناڵدۆ كه 638 ملیۆن فۆڵۆوه‌ری هه‌یه و لیۆنێل میسی 504 ملیۆن فۆڵۆوه‌ری هه‌یه پاش ئه‌وان گۆمیز 424 ملیۆن فۆڵۆوه‌ری هه‌یه، له‌ڕێی ڕیكلامه‌كانی له تۆڕه كۆمه‌ڵایه‌تیه‌كان بۆ كۆمپانیای" پوما" 30 ملیۆن دۆلار و بۆ كۆمپانیای "كۆتش" به 10 ملیۆن دۆلار ڕیكلامی كردوه.
PM:01:16:09/09/2024
ئه‌م بابه‌ته 3804
جار خوێنراوه‌ته‌وه