له‌سه‌ر ئه‌م بابه‌ته‌ كۆمه‌ڵه‌ی‌ خزمه‌تگوزاری ته‌ندروستی (NHS) له‌ ڕاپۆرتێكدا ئاشكرای كردوه‌ كاتێك جگه‌ر زیانی زۆری به‌رده‌كه‌وێت و نه‌خۆشییه‌كه‌ ده‌چێته‌ قۆناغێكی پێشكه‌وتوه‌وه‌ شه‌وانه‌ چه‌ند نیشانه‌یه‌ك له‌سه‌ر كه‌سی نه‌خۆش ده‌رده‌كه‌وێت، باوترینیان تێكچوونی خه‌وه‌، پسپۆڕانی ته‌ندروستی له‌ سه‌نته‌ری "British Liver Trust" ده‌ڵێن"كۆبوونه‌وه‌ی‌ ژه‌هر له‌سه‌ر خانه‌كانی مێشك هۆكاره‌ بۆ كه‌مخه‌وی و تێكچوونی نوستن توشبووانی نه‌خۆشی جگه‌ر هه‌ستی پێده‌كه‌ن، له‌گه‌ڵیدا ئه‌م نیشانانه‌ی‌ دیكه‌ له‌سه‌ریان به‌ئاشكرا ده‌رده‌كه‌وێت كه‌ پێویسته‌ هه‌موان لێی به‌ ئاگابن، به‌دیاریكراوی ئه‌و كه‌سانه‌ی‌ زۆر مه‌ی‌ ده‌خۆنه‌وه‌ و ئه‌م نیشانانه‌یان هه‌ستپێكرد پێویسته‌ زوو سه‌ردانی پزیشك بكه‌ن بۆ پشكنین و وه‌رگرتنی چاره‌سه‌ر، نیشانه‌كانیش بریتیه‌ له‌:

1- زه‌ردبوونی ڕه‌نگی پێست و سپێنه‌ی‌ چاو، ئه‌مه‌ به‌ ئاشكرا هه‌ستی پێده‌كرێت.

2- ئاوسانی قاچ و پێ له‌ئه‌نجامی كۆبونه‌وه‌ی‌ ئاو تیایاندا و ئاوسانی سك به‌هه‌مان شێوه‌ له‌ئه‌نجامی كۆبوونه‌وه‌ی‌ ئاو تیایدا.

3- به‌رز بوونه‌وه‌ی‌ پله‌ی گه‌رمای له‌ش و له‌رزین.

4- توشبوون به‌ خوروری توند له‌سه‌ر پێست.

5-هه‌ڵوه‌رینی قژ.

6-له‌ده‌ستدانی كێش به‌ڕێژه‌یه‌كی زۆر.

7- لاوازبوونی ماسولكه‌كان.

8-لاوازبوونی توانای یاده‌وه‌ری مێشك به‌هۆی كۆبوونه‌وه‌ی‌ ژه‌هر له‌سه‌ر خانه‌كانی.

9-هه‌ستیار بوون بۆ مه‌ی‌ و مادده‌ هۆشبه‌ره‌كان به‌جۆرێك هیچ چاره‌سه‌رێك كاریگه‌ری نابێت له‌سه‌ری.