ده‌رمانی دژه‌ هه‌وكردنی ناستیرۆیده‌كان ڕۆژانه‌ له‌جیهاندا له‌لایه‌ن 30 ملیۆن هاوڵاتی به‌كارده‌هێندرێت، زۆر به‌كارهێنانی ئه‌م ده‌رمانه‌ ده‌بێته‌ هۆی dysbiosis واته‌ ناهاوسه‌نگی له‌ به‌كتریا سوودبه‌خشه‌كانی گه‌ده‌ و به‌هۆیه‌وه‌ كه‌سه‌كه‌ نیشانه‌كانی ئازاری سك و سكچوون و كه‌مخوێنی له‌سه‌ر ده‌رده‌كه‌وێت، له‌ چه‌ند حاڵه‌تێكی دگمه‌ندا گه‌ده‌ و كۆڵۆن كون ده‌بێت.

دكتۆر زولتان زادوری سه‌رۆكی تیمی توێژینه‌وه‌ له‌ كۆئه‌ندامی هه‌رس و چاره‌سه‌ر به‌ ده‌رمان له‌ زانكۆی Semmelweis وتویه‌تی"نه‌خۆشییه‌كانی هه‌وكردنی درێژخایه‌نی جومگه‌ كار له‌ بڕبڕه‌ی‌ پشت  و په‌له‌كان ده‌كات له‌گه‌ڵ هه‌وكردی جومگه‌ی‌ ڕۆماتیزمی، به‌یه‌كه‌وه‌ كارله‌تێكچوونی به‌كتریا سوودبه‌خشه‌كانی گه‌ده‌ ده‌كات كه‌ ڕێگری ده‌كه‌ن له‌ توشبوون به‌ نه‌خۆشی و ته‌شه‌نه‌سه‌ندنی.

ئه‌م پزیشكه‌ ده‌شڵێت" به‌كتریای سوودبه‌خشی ناوگه‌ده‌ كار له‌ چه‌ندین چالاكی گرنگی له‌ش ده‌كاتن له‌ناویاندا هاوسه‌نگی ئاستی شه‌كر و ووزه‌ و به‌هێزكردنی كۆئه‌ندامی به‌رگری له‌ش و ڕێكخستنی كاری دیواری گه‌ده‌، ئه‌و كه‌سانه‌ش كه‌ هاوسه‌نگی به‌كتریای سوودبه‌خشی گه‌ده‌یان تێكده‌چێت ئه‌وه‌ توشی نه‌خۆشی كۆڵۆن و تێكچوونی هۆرمۆن و نه‌خۆشی دڵ و ملوله‌كانی خوێن و نه‌خۆشی به‌رگری له‌ش و نه‌خۆشییه‌ ده‌رونیه‌كان ده‌بن."