‌‎سوودەکانی منداڵبوونی سروشتی

وێستگە ستایل-

منداڵبوونی سروشتی بریتییە لە لەدایکبوونی منداڵ بە شێوەیەکی سروشتی لە ڕێگەی زێیەوە، لە  نێوان ٣٧-٤٢ هەفتەی دووگیانی، لەدایکبوونی سروشتی یارمەتی لەدایکبوونی منداڵێکی تەندروست دەدات، هەروەها پرۆسەی چاکبوونەوەی دایک خێراتره لە چاو نەشتەرگەری منداڵبوون، دكتۆره‌ بنار پزیشكی نه‌خۆشییه‌كانی ژنان و منداڵبوون له‌م بابه‌ته‌دا سووده‌كانی ئه‌م جۆره‌ منداڵبوونه‌ ده‌خاته‌ ڕوو.

‎سوودەکانی منداڵبوونی سروشتی  بۆ دایک:
‎1-هەستکردن بە پەیوەندی زیاتر لەگەڵ کۆرپەکەدا لە کاتی لەدایکبووندا .
‎2- چاک بوونەوەی خێراتر .
‎3-کەمبوونەوەی مەترسییەکانی نەشتەرگەری وەک جەڵدەی سییەکان، خوێنبەربوون.
‎4-کەمبوونەوەی کاریگەرییە لاوەکییەکانی بێهۆشکردن (دەرزی پشت).
‎5-یارمەتی دایک دەدات زووتر دەست بە شیرپێدانی سروشتی بکات
سوودەکانی منداڵبوونی سروشتی  بۆ کۆرپەلە:
‎-لە کاتی منداڵبووندا گۆڕانکاری لە هۆرمۆنەکاندا ڕوودەدات کە یارمەتی سییەکانی کۆرپەلە دەدات بە شێوەیەکی دروست گەشە بکات، ئەمەش ڕێگەی پێدەدات کە بە باشی کاربکات و هیچ کێشەیەکی هەناسەدان دروست نەکات.

‎-یارمەتی زیادکردنی بەرهەمهێنانی پڕۆتینەکان دەدەن لە مێشکی کۆرپەلەدا، ئەم پرۆتینانە یارمەتی گەشە و کارەکانی مێشک دەدەن. لە کاتێکدا منداڵبوون لە ڕێگەی نەشتەرگەرییەوە هانی جەستە نادات بۆ دەردانی ئەم پرۆتینانە.

‎- ئەو منداڵانەی لەڕێگەی منداڵبوونی سروشتییەوە لەدایک دەبن، سوودمەند دەبن لە خواردنی بەکتریا. ئەم بەکتریایانە سیستمی بەرگری منداڵ بەهێز دەکەن و یارمەتی دەدەن بۆ خۆپاراستن لە هەوکردن و نەخۆشییە باوەکانی منداڵان.


PM:03:21:27/02/2024


ئه‌م بابه‌ته 512 جار خوێنراوه‌ته‌وه‌‌