نیشانه و هۆكاری سوڕانی هێلكه‌دان
وێستگە ستایل-
سوڕانی (پێچانی) هێلکەدان، حاڵەتێکە لە ئەنجامی سوڕانی هێلکەدان و هەندێک جار بۆری فالۆپ، لە دەوری ئەو بەستەر و شانانەی کە پشتگیری دەکەن حاڵەتێکی ئازاربەخشە دەبێتە هۆی نەڕۆیشتنی خوێن بۆ هێلکەدان، دكتۆرە هودا پزیشكی نه‌خۆشییه‌كانی ژنان و منداڵبوون له‌م بابه‌ته‌دا ورده‌كاری زیاتر ده‌خاته ڕوو.
ئه‌م پزیشكه ده‌ڵێت"سوڕانی هێلکەدان بە حاڵەتێکی فریاگوزاری پزیشکی دادەنرێت کە ئەگەر بە خێرایی چارەسەر نەکرێت، ڕەنگە ببێتە هۆی لەدەستدانی هێلکەدان، بەڵام حاڵەتێکی پزیشکی دەگمەنە."
نیشانەکانی سوڕانی هێلکەدان لەوانەیە ببێتە هۆی دروستبوونی ئەم نیشانانەی خوارەوە:
1-ئازارێکی کتوپڕ و توند لە بەشی خوارەوەی سکدا.
2-هێڵنج دان و ڕشانەوە.
3-تا.
4-خوێنبەربوونی نائاسایی لە زێ.
5-گرژبوونی ڕیخۆڵە.
هۆکارەکانی:
1-سوڕانی هێلکەدان بە شێوەیەکی سەرەکی لەنێو ژنانی تەمەنی نێوان 20-40 ساڵدا باوە، بەڵام دەتوانێت تووشی ژنانی هەموو تەمەنێک بێت.
2-سوڕانی هێلکەدان دەتوانێت لەو ژنانەدا دروست بێت کە کیس یان گرێ کە لەسەر هێلکەدانیان هەیە
هۆکارەکانی تر کە ڕەنگە مەترسی تووشبوونت بە سوڕانی هێلکەدان زیاد بکەن بریتین لە:
1-نەخۆشی فرەکیسی هێلکەدان.
2-هەبوونی بەستەری درێژی هێلکەدان، کە شانەیەکی ڕیشاڵییە و هێلکەدان بە منداڵدانەوە دەبەستێتەوە.
3-ئەو ژنانەی کە بەستنی بۆرییان بۆ کراوە (هەڵگرانی منداڵدان)
4-ئەو خانمانەی چارەسەری هۆرمۆن بەکاردەهێنن، زۆرجار بۆ چارەسەری نەزۆکی، کە دەتوانێت هێلکەدانەکان هان بدات.
5-ژنانی دووگیان، وەک بەرزبوونەوەی ئاستی هۆرمۆن لە کاتی دووگیانیدا دەبێتە هۆی شلبوونەوەی شانەکانی لەش، لەوانەش شانەکانی بەستەرەکانی هێلکەدان، ئەمەش مەترسی سوڕانی هێلکەدان لە کاتی دووگیانیدا زیاد دەکات.
AM:10:35:08/02/2024
ئه‌م بابه‌ته 1316
جار خوێنراوه‌ته‌وه