‌ئه‌م خۆراكانه‌ زیان به‌ مێشك ده‌گه‌یه‌نن

وێستگە ستایل-

خۆراك به‌گشتی كاریگه‌ری له‌سه‌ر ته‌ندروستی مرۆڤ ده‌بێت، به‌ڵام پسپۆڕان ئاگایی ده‌ده‌نه‌ هاوڵاتیان ئه‌و خۆراكانه‌ی‌ چه‌وری هایدرۆجین كراو له‌پێكهاته‌یاندا هه‌یه‌، له‌گه‌ڵ خواردنه‌وه‌ كحولیه‌كان به‌شێوه‌یه‌كی نه‌رێنی و مه‌ترسیدار كار له‌ مێشكی مرۆڤ ده‌كات.

پسپۆڕێكی ڕوسی بواری خۆراك" یلسنا تیخۆمیرۆڤا" ده‌ڵێت" زیاده‌ڕه‌ویكردن له‌ خواردنه‌وه‌ كحولیه‌كان به‌ته‌واوی جۆره‌كانیه‌وه‌ كار له‌ توانای مێشك و فه‌رمانه‌كانی ده‌كات"

ئه‌م پسپۆڕه‌ ده‌شڵێت" خواردنه‌وه‌ كحولیه‌كان ده‌ماره‌ خانه‌كانی مێشك وێران ده‌كه‌ن و ئاستی هۆشیاری و فێربوون داده‌به‌زێنن، له‌به‌ر ئه‌وه‌ زۆر خواردنه‌وه‌ی‌ مه‌ی‌ مێشك وێران ده‌كات"

ته‌نها مه‌ی‌ نییه‌ ئه‌و زیانه‌ی‌ هه‌یه‌ به‌ڵكو زۆر به‌كارهێنانی زه‌یتی هایدرۆجینكراو و ڕۆنی ڕوه‌كی زیانیان هه‌یه‌ بۆ مێشك، له‌و كاته‌ی‌ بڕێكی زۆر له‌م زه‌یته‌ له‌ڕێی خواردنه‌وه‌ ده‌چێته‌ جه‌سته‌ی‌ مرۆڤ و جه‌سته‌ توانای كۆنتڕۆڵ و كردنه‌وه‌ ده‌ره‌وه‌ی‌ نابێت ئه‌وه‌ زه‌یت و چه‌وریه‌ هایدرۆجین كراوه‌كه‌ له‌خانه‌كانی جه‌سته‌ و مێشك كۆده‌بێته‌وه‌، ئه‌وه‌ش واده‌كات پێشوه‌خته‌ مێشك توانای خۆی له‌ده‌ست بدات"

سه‌باره‌ت به‌ كاریگه‌ری و زیانه‌كانی خواردنه‌ خێراكان له‌سه‌ر مێشك ئه‌م پسپۆڕه‌ ده‌ڵێت به‌هۆی هه‌بوونی بڕێكی زۆر چه‌وری و خوێ و زیادده‌ی‌ خۆراكی هه‌مه‌چه‌شن هاوكات ڕه‌نگه‌ كه‌سه‌كه‌ له‌گه‌ڵ خواردنه‌وه‌یه‌كی گازی یان شیرین خواردنه‌كه‌ی‌ بخوات ئه‌مه‌ش ده‌بێته‌ هۆی لاوابوونی مێشك.


AM:09:34:10/12/2023


ئه‌م بابه‌ته 348 جار خوێنراوه‌ته‌وه‌‌