به‌ریتانیا ساردترین شه‌وی مانگی نۆڤه‌مبه‌ری تۆماركرد
وێستگە ستایل-
وڵاتی به‌ریتانیا ساردترین شه‌وی تێپه‌ڕاندوه كه ماوه‌ی 13 ساڵه كه‌شوهه‌وای ساردی له‌و جۆره هه‌ستی پێ نه‌كراوه، پله‌كانی گه‌رما گه‌یشتۆته 8 پله له‌ژێر سفری سه‌دی، ئه‌وه‌ش وایكردوه به‌رپرسانی ئه‌و وڵاته ئاگای بده‌نه هاوڵاتیانی وڵاته‌كه‌یان كه زستانێكی زۆر سارد به‌ڕێوه‌یه.
به‌رپرسانی به‌ریتانیا ئاگاییان به ڕه‌نگی زه‌رد بڵاوكردۆته‌وه به‌هۆی خراپی دۆخی كه‌شوهه‌وا و دابه‌زینی پله‌كانی گه‌رما و پێشبینی ئه‌وه‌ش ده‌كه‌ن به‌فر به چڕی له چه‌ند ناوچه‌یه‌كی به‌ریتانیا ببارێت و سه‌رمایه‌كی زۆر ڕوو له وڵات بكات.
شه‌وی ڕابردوو چه‌ندین ناوچه‌ی به‌ریتانیا ساردترین شه‌وی تێپه‌ڕاندوه و ماوه‌ی 13 ساڵه سه‌رمای له‌و جۆره له وڵاتی به‌ریتانیا تۆمار نه‌كراوه.
هاوكات ئاژانسی تایبه‌ت به سه‌لامه‌تی ته‌ندروستی به‌ریتانیا ئاگایی خۆی له‌باره‌ی ساردی كه‌شوهه‌وا و كاریگه‌ریه‌كانی له‌سه‌ر دۆخی ته‌ندروستی و كۆمه‌ڵایه‌تی بڵاوكردۆته‌وه بۆ ئه‌وه‌ی هاوڵاتیان زیاتر ئاگاداری ته‌ندروستی خۆیان بن.
PM:05:49:30/11/2023
ئه‌م بابه‌ته 6436
جار خوێنراوه‌ته‌وه