کۆمەڵێک ڕێنمایی و زانیاری بۆ توشبووان به نەخۆشی بەکتریای گەدە
وێستگە ستایل-
به‌كتریایی گه‌ده یه‌كێكه له‌و به‌كتریایانه‌ی زۆر كه‌س توشی بوون به‌ڵام ئاگادار نین، دکتۆر نەورۆز پزیشکی نەشتەرگەری گشتی کۆمەڵێک ڕێنمایی و زانیاری ده‌دات به‌و كه‌سانه‌ی نەخۆشی بەکتریای گەدەیان هه‌یه.
1-نەخۆشییەکی باوە، لەڕێی ئاو و سەوزەوە دەگوازرێتەوە.
2-جاری وا هەیە هیچ نیشانەیەکی نییە، بەڵام بەگشتی نیشانەکانی ئەمانەن: ئازاری سەرەوەی سک، هێڵنج و قرقێنە، بۆنی ناخۆشی دەم، زیا خۆری لەبەر کەمبوونەوەی هەستی تێربوون، سوتانەوەی گەدە و سورێنچک، دڵەکزە.
3-ڕاستترین پشکنین بۆ دەستنیشانکردنی نەخۆشییەکە پێی دەڵێن (Urea Breath Test)
4-زۆربەی نەخۆش (٪۸۰) بەکۆرسی دەرمانی دوو هەفتە چاک دەبن، بەڵام هەندێک نەخۆش (٪۱۰-۲۰) پێویستیان بە دوو مانگ چارەسەر هەیە.
5-دوای نەمانی بەکتریاکە هەندێک جار تا چەند مانگێک نیشانەکان دەمێنن.
6-پارێز بەگشتی بۆ گەدە: ئاو زۆر بخۆرەوە، بنێشتی کوردی بجو، ماست یان شیری بێ شەکر زۆر باشە، ترشی و شیرینی زۆر خراپە، هیچ ژەمێک مەپەڕێنە، دوای هیچ ژەمێک پاڵمەکەوە، شەو درەنگ ژەمی قورس مەخۆ.
7-گرنگە چارەسەر بکرێت، چونکە جگە لەو ناڕەحەتییانەی سەرەوە دەبێتە هۆی برینی گەدە و دوانزە گرێ، هەروەها شێرپەنجەی گەدە.
PM:01:24:29/11/2023
ئه‌م بابه‌ته 848
جار خوێنراوه‌ته‌وه