خواردنی چه‌ند جۆرێك سه‌وزه ئه‌گه‌ری توشبوون به شێرپه‌نجه كه‌مده‌كه‌نه‌وه
وێستگە ستایل-
دكتۆر ئه‌لیكسه‌نده‌ر میاسنیكۆڤ ڕێنمایی هاوڵاتیان ده‌كات چه‌ند جۆرێكی سه‌وزه به به‌رده‌وامی بخۆن به‌ڵام ئه‌م ڕێنماییه ئه‌و كه‌سانه ناگرێته‌وه كه به‌ردی گورچیله‌یان هه‌یه.
ئه‌م پسپۆڕه ده‌ڵێت" به‌هۆی بوونی ماده‌ه‌ی بیتاین "betaine- Trimethylglycine" چه‌وه‌نده‌ر یه‌كێكه له سه‌وزه زۆر به‌سووده‌كان بۆ كه‌مكردنه‌وه‌ی مه‌ترسی توشبوون به شێرپه‌نجه، له‌گه‌ڵ ئه‌وه‌شدا ئاستی ئاسن له خوێندا به‌رز ده‌كاته‌وه و دڵ چالاك ده‌كات، به‌سووده بۆ دابه‌زینی كێشی زیادده‌ی له‌ش"
دكتۆر میاسنیكۆڤ ده‌شڵێت" ئه‌نجامی تاقیكردنه‌وه‌كان سه‌لماندویه‌تی ئه‌و مادده‌یه‌ی له چه‌وه‌نده‌ردا هه‌یه زۆر به‌سووده بۆ زیادكردنی هێزی جه‌سته و ماسولكه‌كان، ته‌نانه‌ت چه‌ندین جۆری ده‌رمان له‌م مادده‌یه دروست ده‌كرێت بۆ ئه‌وه‌ی توانای جه‌سته‌ی یاریزانه‌كان به‌هێز بكات"
باشتریش وایه چه‌وه‌نده‌ر به زه‌ڵاته و به‌كاڵی بخورێت چونكه كوڵاندن به‌های خۆراكیه‌كه‌ی كه‌مده‌كاته‌وه، له‌گه‌ڵ هه‌موو سووده‌كاتی به‌هیچ شێوه‌یه‌ك ئه‌وانه‌ی به‌ردی گورچیله‌یان هه‌یه نابێت چه‌وه‌نده‌ر و ئه‌و سه‌وزانه بخۆن كه ئۆكسالاتی تیادایه.
PM:03:32:28/11/2023
ئه‌م بابه‌ته 3016
جار خوێنراوه‌ته‌وه