‌به‌م نزیكانه‌ فیلمی ئالودە نمایشدەكرێت

وێستگە ستایل-

وێستگەنیوز : شكارحەمەنوری

شوان عەتوف هونەرمەندی دیاری كورد لە لێدوانێكی تایبەتدا بە وێستگە نیوز راِگەیاند بەم نزیكانە فیلمی ئالودە نمایشدەكرێت و دەربارەی ناوەڕۆكی فیلمەكە شوان عەتوف دەڵیت، فیلمەكە لە ژانری خۆشەویستی و  تاوانە .

كارەكانی فیلمی ئالودە نزیكی یەك ساڵی خایاندوەو تەواوی وێنەگرتنی لە سلێمانی تۆماركراوە كە لە بەرهەمهێنانی دەزگایی میدیایی كوردسات و كۆمپانیایی گڵۆپە .

ئەكتەرە سه‌ره‌كیه‌كانی فیلمەكە "شوان عەتوف و هونەرمەندان بەیان عوسمان و پێشڕەو حسێن" ه‌ و چەند ئەكتەرێكی دیكە به‌شداریان تیادا كردوه‌، سیروان محەمەد كاری سیناریۆ و دەرهێنانی بۆ كردوە.

فیلمی ئالودە بڕیارە لە ماوەیەكی نزیكدا لە سەرجەم شارەكانی هەرێمی كورستان و تەواوی عیراق نمایشبكرێت و دواتر دەبرێتە وڵاتانی ئەوروپا و لە ڤیستیڤاڵە جیهانیەكان بەشداری پێدەكرێت .

ئەمە لە كاتێكدایە كە شوان عەتوف تەواوی كارەكانی فیلمی خۆشەویستی لە سەردەمی كۆرۆنا تەواو كردەوە و لە سەرەتای ساڵی 2024 نمایشدەكرێت .

لە كۆتایدا شوان عەتوف ئاشكرایكرد كە ئامادەكاریی دەكات بۆ فیلمێكی گەوەرەتر و درامایەكی تر كە لە ئاست چاوەڕوانی كوردا بێت .




AM:11:04:19/09/2023


ئه‌م بابه‌ته 1000 جار خوێنراوه‌ته‌وه‌‌