له‌و باره‌یه‌وه‌ ڕه‌حمان غه‌ریب وه‌ك ڕۆژنامه‌نوسێك ده‌ڵێت" دەركەوتنی هونەمەند شوان عەتووف، لە زنجیرە درامای "بەغداد ئەلجەدیدە"، دڵخۆشی كردم، بە تایبەتیش لەگەڵ كۆمەڵێكی بەتوانا لە نەوەی دووهەمی خێزانی هونەری عێراق، دەردەكەوێت، دیارترینیان باسم ئەلقەهار."

غه‌ریب نوسیویه‌تی"مردن سزا نییە، ژیان لەم عێراقە سزایە، سزایەكە، هەركاتێك بەهەر شوێنێكیدا گوزەر بكەیت، بەریدەكەویت، هەستی پێدەكەیت، رووداوی زینجیرە درامای "بەغداد ئەلجەدیدە"واتە: بەغدای نوێ، دەمانخاتە سەر ئەم هێڵە فكرییەی دراماكەی لەسەر بنیناتنراوە، ژیان لەم كۆمەڵگا نوێیەی عێراق، سزایە، تۆڵەت لێدەكاتەوە، بەغدای نوێ، كۆمەڵگایەكی نوێی بەغدادت پێ ئاشنا دەكات،  شێواوی دوای جەنگەكان، نوقمبوو لە كێشەی گەورەو و راكردن بەدوای بەرژەوەندی و پارە، زاڵبوونی بێوەفایی، تەشەنەكردنی گەندەڵی، بڵاوبونەوەی تلیاك، 

بڵاوبوونەوەی تاوان و میلیشاو بازرگانی چەك، دەركەوتنی میدیای كڕدراو بە پارەی سیاسییەكان، دروستكردنی سیناریۆ بۆ كەسایەتی پاك و دژە گەندەڵی لەناویاندا ( مامۆستا حەسەن) كە تیایدا هونەرمەند ( باسم قەهار) رۆڵی سەرنوسەری رۆژنامەیەك بەرجەستە دەكات، خۆی و رۆژنامەكەی دژ بەو سەنگەرانەن."

سه‌باره‌ت به‌بۆچوونی ڕه‌حمان غه‌ریب له‌سه‌ر كاره‌كته‌ری شوان ده‌ڵێت"رەخنەگری هونەری نیم، بینەرێكم هەستی خۆم دەڵێم: شوان عەتوف هونەرمەندێكی بەتوانایە، لەسەر تەختەی شانۆ، لە فیلمی سینەمادا، لەدراما، سیحری هەیە، و لەم زنجیرە درامایە زمانی عەرەبی عێراقی، رێگر نەبووە لەبەرجەستەكردنی جوانی كەسایەتییەكە، لەم چەند هەڵقەیەی لە یوتوب تەماشام كردوون، كێشەی فۆەنەتیكی زمانی نییە.  "