‌به‌ناوی نوشته‌ و جادوو.. پیاوێك گێچه‌ڵی سێكسی به‌ 250 ئافره‌ت كردوه‌

وێستگە ستایل-

پۆلیسی عێراق توانی ئه‌و پیاوه‌ ده‌ستگیر بكات كه‌ به‌ناوی چاره‌سه‌ری ڕۆحانیه‌ته‌وه‌ 250 ئافره‌تی هه‌ڵخڵه‌تاندوه‌ و وێنه‌ی‌ نه‌شیاوی داوا كردوه‌ لێیان و پاره‌ی‌ زۆری لێسه‌ندوون.

پاش ده‌ستگیركردن و لێكۆڵینه‌وه‌ له‌گه‌ڵیدا ئه‌م تاوانباره‌ دانی به‌وه‌دا ناوه‌ له‌ڕێگای فێڵكردنه‌وه‌ وێنه‌ و ڤیدیۆیی نه‌شیاوی  له‌ ئافره‌ته‌كان وه‌رگرتوه‌ و پاش ئه‌وه‌ هه‌ڕه‌شه‌ی‌ بڵاوكردنه‌وه‌ی‌ لێكردون.

به‌ناوی" سه‌ید عه‌لی"  له‌ تۆڕه‌ كۆمه‌ڵایه‌تیه‌كان ئه‌م پیاوه‌ وه‌ك چاره‌سه‌ركاری ڕۆحانیه‌ت خۆی ناساندوه‌ و ژماره‌ی‌ خۆی بڵاوكردۆته‌وه‌، ده‌ڵێت" كاره‌كه‌م به‌جۆرێك فراوان بوو سه‌ره‌تا كچان ته‌نها به‌ ته‌له‌فۆن په‌یوه‌ندیان پێوه‌ ده‌كردم و دواتر ڤیدیۆیان ده‌كرده‌وه‌ له‌گه‌ڵم و له‌ڕێی ڤیدیۆوه‌ وێنه‌ی‌ جه‌سته‌ و له‌شیانم تۆماركردوه‌ و پاش ماوه‌یه‌ك له‌ دژی خۆیان به‌كارم هێناوه‌ته‌وه‌"

تاوانبار باسی له‌وه‌ كردوه‌ زیاتر له‌ 1500 په‌یوه‌ندی ته‌له‌فۆنی بۆ چووه‌، بۆ هه‌رجارێك و هه‌ر كارێك 2000 دۆلاری داوا كردوه‌ له‌ ئافره‌ته‌كان


PM:09:08:16/03/2023


ئه‌م بابه‌ته 1876 جار خوێنراوه‌ته‌وه‌‌

ستایل