‌له‌م وه‌رزه‌دا به‌ 5 ڕێگای ئاسان خۆت له‌ په‌تای زستانه‌ بپارێزه‌

وێستگە ستایل-

بارینی به‌فر و سارد بوونی كه‌شوهه‌وا هۆكاری زیادبوونی ڕێژه‌ی‌ توشبوونه‌ به‌ په‌تای وه‌رزی زستانه‌، ده‌توانیت به‌ 5 ڕێگای ئاسان خۆت له‌ توشبوون به‌ په‌تای زستانه‌ بپارێزیت.

1-ده‌ستت بشۆ:
پێس ناخواردن و ناوبه‌ناو ده‌ستت به‌ ئاوی گه‌رم و سابوون خاوێن بكه‌ره‌وه‌، چونكه‌ ئه‌و ڤایرۆسانه‌ی‌ هۆكاری توشبوونن به‌ په‌تای ئه‌نفلۆنزا بۆ ماوه‌ی‌ 24 كاتژمێر به‌ چالاكی له‌سه‌ر ده‌ست ده‌مێننه‌وه‌.

2-ئاو بخۆره‌وه‌:
زیاده‌ ڕه‌وی كردن له‌ خواردنه‌وه‌ی‌ ئاو له‌ وه‌رزی زستان باش نییه‌، به‌ڵام بۆ هێشتنه‌وه‌ی‌ له‌شت به‌ شێداری باشتر وایه‌ 2 لیتر ئاو بخۆیته‌وه‌ له‌ ڕۆژێكدا.

3- خواردنی ته‌ندروست بخۆ:
بۆ ئه‌وه‌ی‌ له‌شت كانزا و پێكهاته‌ی‌ خۆراكی ته‌ندروستی ده‌ست بكه‌وێت و ڤیتامینه‌كانی له‌شت كه‌م نه‌كات، سیستمی خۆراكی ته‌ندروست دانبێ و میوه‌ و سه‌وزه‌ فه‌رامۆش مه‌كه‌.

4-بڕی پێویست بنو:
كه‌مخه‌وی به‌رگری له‌ش داده‌به‌زێنێت، كه‌سێكی پێگه‌یشتوو ڕۆژانه‌ 7-8 كاتژمێر خه‌وی ده‌وێت، بخه‌وه‌ بۆ ئه‌وه‌ی‌ به‌رگری له‌شت به‌هێز بێت.

5-وه‌رزش بكه‌:
له‌ پێناو ئه‌وه‌ی‌ كێشت زیاد نه‌كات و له‌ ئه‌گه‌ری توشبوون به‌ په‌تاكانی وه‌رزی زستان دوور بیت باشتر وایه‌ ڕۆژان ڕاهێنانی وه‌رزشی له‌یاد نه‌كه‌یت.


PM:09:00:17/01/2022


ئه‌م بابه‌ته 3960 جار خوێنراوه‌ته‌وه‌‌

ستایل