چۆن دەزانیت کەسێک تووشی نەخۆشیی هەستیاری بە گەنم بووە؟
وێستگە ستایل-
هەستیاری بە گەنم بریتییە لە هەوکردنی ریخۆڵەکان بۆ ماوەیەکی دوورو درێژ تێیدا نەخۆشەکە هەستیاری هەیە بە خواردنی گەنم و جۆ و پێکهاتەکانیان.
دكتۆر زرار پسپۆڕی نەخۆشییەکانی هەناو و دڵ ده‌ڵێت" نەخۆش بە چەند گروپێکی نیشانە دێت لە گرنگترینیان بریتییە لە سکچونێکی درێژخایەن، زیادنەکردنی کێشی لەش و کەمکردنی ڤیتامین و ئاسن لە لەشدا، هەندێک جار نەخۆشەکە ئازاری سک و بێتاقەتی و دەرکەوتنی پەلە لەسەر لەشی دەردەکەوێت."
ئه‌م پزیشكه ده‌شڵێت" دەستنیشانکردنی نەخۆشییەکە لە رێگەی دوو گروپ لە پشکنینەوەیە ئەوانیش پشکنینەکانی خوێن و Ttg ,EMA، وە پشکنینی دووەم بریتیە لە نازوری گەدە و دوازدەگرێ و وەرگرتنی نمونە یان پارچە و ناردنی بۆ پشکنین."
سه‌باره‌ت به هۆکاری ئه‌م نه‌خۆشییه ئه‌م پزیشكه ده‌ڵێت" هۆكاره‌كه‌ی بریتییە لە تێکچونی سیستەمی بەرگری لەشی کەسەکە بەتایبەت لە سەر ئاستی ریخۆڵەباریکە و کەسەکە هەستیاری هەیە بۆ پرۆتینی گلوتینو گلیادین کە لە گەنم و پێکهاتەکانی دایە."
چارەسەری بریتییە لە وەی کەسی توشبوو نابیت بەهیچ شیوەیەک گەنم بخوات یان ئەو خواردنانە لە گەنم و جۆ دروست دەکرێنن وەک سەمون و نان.
PM:07:10:17/01/2022
ئه‌م بابه‌ته 2020
جار خوێنراوه‌ته‌وه