‌ڤیدیۆ: گه‌وره‌ترین په‌یمانگای به‌رهه‌مهێنانی ڤاكسین گڕی گرت

وێستگە ستایل-


ئاگرێكی گه‌وره‌ له‌ گه‌وره‌ترین په‌یمانگای به‌رهه‌مهێنانی ڤاكسین له‌ هندستان و جیهان" سیرۆم ئه‌ینستیتوت ئۆف ئیندیا" كه‌وته‌وه‌ و وێنه‌كان له‌لایه‌ن ته‌له‌فیزۆنی ناوخۆی ئه‌و وڵاته‌ بڵاوكرایه‌وه‌ به‌ڵام ئاماژه‌ بۆ ئه‌وه‌ش كراوه‌ كه‌ به‌هۆی ئه‌م ئاگره‌وه‌ پرۆسه‌ی‌ به‌رهه‌مهێنانی ڤاكسین نه‌وه‌ستاوه‌.

هاوكات كۆمپانیاكه‌ ڕونكردنه‌وه‌ی‌ زیاتری له‌باره‌ی‌ زیانه‌كانی ئه‌م ئاگره‌ داوه‌ و تیایدا هاتووه‌ كه‌ سه‌نته‌ری تایبه‌ت به‌ به‌رهه‌مهێنانی ڤاكسین زیانی به‌رنه‌كه‌وتووه‌ و ئه‌وه‌ی‌ ڕویداوه‌ كار له‌ به‌رهه‌مهێنانی ڤاكسین ناكات .

بۆ كوژاندنه‌وه‌ی‌ ئاگره‌كه‌ 6-7 ئۆتۆمبێلی ئاگر كوژاندنه‌وه‌ نێردراونه‌ته‌ شوێنی مه‌به‌ست و دیارنییه‌ كه‌ زیانه‌كانی ئه‌م ئاگره‌ چه‌ند بووه‌.

له‌ ئێستادا ئه‌م په‌یمانگایه‌ ڤاكسینی" كوفیشیلد" به‌رهه‌م ده‌هێنێت كه‌ له‌ بنه‌ڕه‌ته‌وه‌ دروستكراوی تاقیگه‌كانی" ئه‌سترازینیكا" و زانكۆی ئۆكسفۆرده‌ بۆ ڕوبه‌ڕوبوونه‌وه‌ی‌ په‌تای كۆرۆنا.





PM:05:35:21/01/2021


ئه‌م بابه‌ته 1732 جار خوێنراوه‌ته‌وه‌‌

ستایل