‌زانیاری ته‌واو له‌سه‌ر پشکنینی C-RP

وێستگە ستایل-

ئەو پشکنینەیە کە لەکاتی بونی هه‌وكردنی توند بەهۆی ڤایرۆسی کۆرۆناوە ڕێژه‌كه‌ی‌ بەرز دەبێتەوە، CRP یان C-Reactive Protein پڕۆتینێکە لەلایەن جگەرەوە دروستدەبێت، ئەم پرۆتینە دەردەدرێتە ناو خوێن وەک وەڵامدانەوەیەک لەکاتی هەوکردن.

ئەم پشکنینە ئەنجامدەدرێت بۆ چاودێریکردنی ئەو حاڵەتانەی کەدەبێتە هۆی هەوکردن ، وەک:

1- هەوکردنی بەکتریایی ،وەک نەخۆشی بۆگەنبونی خوێن کە حاڵەتێکی مەترسیدارە.
2-  پیسبوون بە کەڕوو fungal infection.
3-  هەوکردنی ڕیخۆڵەکان کە لەهەندێک کاتدا دەبێتە هۆی هەڵئاوسان و خوێنبەربونی ڕیخۆڵەکان.
4-  هەوکردنی جومگەی ڕوماتیزمی و نەخۆشی گورگە.
5-  ئەو حاڵەتەی کە توشی ئێسک دەبێت و ناودەبرێت بە osteomyelitis.

نیشانەکانی بونی هەکردن و بەرزبونەوەی هه‌وكردن لە لەشدا بریتین لەمانە:
1-  لەرز و تا
2-  خێرابونی هەناسەدان
3-  خێرابونی لێدانی دڵ
4-  هێڵنجدان و ڕشانەوە
5-  ئازاری پەلەکان

هەروەها ئەم پشکنینە دەتوانرێت لەماوەی وەرگرتنی چارەسەری هەوکردنەکان ئەنجامبدرێت بەمەبەستی زانینی ئەنجامی چارەسەریەکان لەسەر لەش، بۆنمونە ئەگەر ڕێژەکەی دابەزی ئەوا بەو مانایە دێت کە دەرمانەکان ئیشی خۆی دەکات و بەرەو قۆناغی باشبون هەنگاو دەنێت.


PM:04:02:02/12/2020


ئه‌م بابه‌ته 4612 جار خوێنراوه‌ته‌وه‌‌

ستایل