چەند ڕێنماییەک بۆ چاودێریکردنی کۆرپەی لە دایک بووی پێشوەختە
وێستگە ستایل-
منداڵی پێشوەختە هەر منداڵێکە کە پێش 37 هەفتەی دووگیانی لەدایک بووبێت، ئەندامەکانی لەشی هێشتا لە گەشەکردندان، بۆیە پێویستیان بە چاودێری زیاترە.
بۆچی منداڵی پێشوەختە پێویستی بە چاودێری تایبەت هەیە لە یەکەی منداڵە ناکامەکان؟
1- کێشەی هەناسەدان: لەوانەیە سییەکانیان بە تەواوی پێنەگەیشتبێت و کێشەی هەناسەدانیان هەبێت.
2- کێشەی پلەی گەرمی: بە خێرایی گەرمی لەدەست دەدەن و پێویستیان بە چاودێری پلەی گەرمی هەیە.
3- کێشەی خۆراک: لەوانەیە کێشەیان هەبێت لە شیر خواردن و زیادکردنی کێش.
4- سیستەمی بەرگری لاواز: سیستەمی بەرگری لەشیان لاوازە، بۆیە لەوانەیە تووشی هەوکردنی مەترسیدار بن.
5- چاودێری وردی پزیشکی: پێویستیان بە چاودێری وردی هەناسەدان، رێژەی شەکر و زەردوویی هەیە.
- دوای دەرچوونیان لە نەخۆشخانە، دایکان و باوکان چۆن دەتوانن هاوکاری بکەن؟
1- خشتەی شیر خواردن: خشتەی شیر خواردن پەیڕەو بکە.
2- پاکیژەیی و گەرمی: منداڵەکە بە گەرمی و پاکیژەیی ڕابگرە.
3- بەدواداچوونی بەردەوام: بە بەردەوامی بەدواداچوون بکە و پابەند بە خشتەی سەردانی کلینیک بە.
4- ئاگاداری نیشانە مەترسیدارەکان بە: چاودێری نیشانە مەترسیدارەکان بکە وەک (خراپی لە شیر خواردن، تا، هەناسەدانی خێرا).
PM:04:53:25/11/2025
ئه‌م بابه‌ته 76
جار خوێنراوه‌ته‌وه