نیشانەکانی بەردی زراو
وێستگە ستایل-
مەرج نییە هەموو کەسێکی تووشبوو بە بەردی زراو نیشانەیان هەبێت، زۆرجار بەردی زراو بێدەنگە و بەڕێکەوت لە پشکنینێکی دیکەدا دەدۆزرێتەوە، بەڵام کاتێک بەردی زراو دەبێتە هۆی گیرانی ڕاڕەوەکانی زراو نیشانەکان دەردەکەون کە بەگشتی بەم شێوەیەن:
1- ئازاری کتوپڕ و بەهێز لە لای ڕاستی سەرەوەی سک (لەژێر پەراسوەکان) یان ناوەڕاستی سەرەوەی سک دروست دەبێت.
2- دڵتێکەڵهاتن و ڕشانەوە.
3- هەرس نەکردنی خۆراک و دڵەکزێ.
- هەروەها ئەگەر بەردی زراو بووە هۆی هەوکردن یان گیرانی تەواوی ڕاڕەوەکان، ئەم نیشانانە دەردەکەون کە پێویستیان بە چارەسەری بەپەلە هەیە:
1- لەرز و تا.
2- زەرد هەڵگەڕانی پێست و چاو.
3- ئازارێک کە بەردەوام بێت و بە چەند کاتژمێرێک هێور نەبێتەوە.
PM:04:41:25/11/2025
ئه‌م بابه‌ته 96
جار خوێنراوه‌ته‌وه