توێژینەوەیەک ئامارێکی مەترسیدار دەربارەی جگەرە دەخاتەڕوو
وێستگە ستایل-
نوێترین توێژینەوەی ئەمریکی ئاشکرایکردووە کە جگەرەکێشان بۆ ماوەیەکی کەم و بە بڕێکی زۆر کەم دەکرێت مەترسیدار بێت و ببێتە هۆی مەترسی جددی بۆ تەندروستی دڵ.
توێژەرانی ئەمریکی لە چەندین پەیمانگای توێژینەوەی جیاوازەوە وەک سەنتەری جۆن هۆپکینز بۆ خۆپاراستن لە نەخۆشی دڵ و مولولەکانی خوێن هۆشداری دەدەنە خەڵکی کە لە ئەگەری کێشانی تەنها 2 بۆ 5 جگەرەش ڕۆژانە دەکرێت مەترسی جەڵدەی دڵ و مردنی کتوپڕی لێبکەوێتەوە.
دەرەنجامی ئەم توێژینەوەیە لە هەڵسەنگاندن و شیکردنەوەی 22 توێژینەوەی جیاوازەوە بەدەستهاتووە کە جێبەجێکراوە لەسەر نزیکەی 300 هەزار کەس و بۆ ماوەی 20 ساڵ چاودێریان کراوە.
ئەو کەسانەی کە ڕۆژانە 2 بۆ 5 جگەرە دەکێشن ئەگەری %50 ڕوودانی جەڵدەی دڵ و %60 مردنی کتوپڕیان هەیە بە بەروارد بە ئەو کەسانەی جگەرەکێش نین.
PM:04:37:25/11/2025
ئه‌م بابه‌ته 96
جار خوێنراوه‌ته‌وه