جگەرەکێشان چۆن زیان بە چاوت دەگەیەنێت؟
وێستگە ستایل-
وەک دەزانرێت جگەرەکێشان زیان بە تەواوی تەندروستی جەستە دەگەیەنێت، هەروەها یەکێکە لە هۆکارە باوەکان بۆ زیادبوونی مەترسی ڕودانی جەڵدەی دڵ، مێشک، گیرانی خوێنبەرەکانی قاچ و شێرپەنجەی سییەکان و میزەڵدان، لەم باسەدا زیانەکانی جگەرەکێشان لەسەر چاو ڕووندەکەینەوە کە بریتین لە :
1- زیادکردنی مەترسیی تووشبوون بە ئاوی سپی: جگەرەکێشان یەکێکە لە هۆکارە سەرەکییەکانی خێراکردنی پرۆسەی لێڵبوونی هاوێنەی چاو، توێژینەوەکان دەریانخستووە کە جگەرەکێشان مەترسیی تووشبوون بە ئاوی سپی دوو هێندە زیاد دەکات.
2- پوکانەوەی ماکولای چاو: ئەمە نەخۆشییەکە کە زیان بە ناوەندی تۆڕی چاو (ماکولا) دەگەیەنێت و دەبێتە هۆی لەدەستدانی بینینی ناوەندی، جگەرەکێشان مەترسیی تووشبوون بەم نەخۆشییە تا چوار هێندە زیاد دەکات و بە یەکێک لە گەورەترین هۆکارەکانی دادەنرێت.
3-وشکیی چاو: دووکەڵی جگەرە ڕاستەوخۆ چاو وشک و تووشی خوران و سووربوونەوە دەکات، هەروەها جگەرەکێشان کاریگەری لەسەر کوالێتی فرمێسکیش هەیە و دەبێتە هۆی وشکییەکی درێژخایەن.
4- زیادکردنی کێشەکانی شەکرە لە چاودا: ئەگەر نەخۆشی شەکرەت هەبێت، جگەرەکێشان زیانەکان لەسەر لوولەکانی خوێنی تۆڕی چاو زۆر زیاتر دەکات و پرۆسەی لەدەستدانی بینایی خێراتر دەکات.
- خۆشبەختانە، وازهێنان لە جگەرەکێشان لە هەر تەمەنێکدا بێت، یەکێکە لە باشترین بڕیارەکان کە دەتوانیت بۆ پاراستنی تەندروستی گشتی و بەتایبەتی چاوەکانت بیدەیت.
PM:12:29:06/11/2025
ئه‌م بابه‌ته 108
جار خوێنراوه‌ته‌وه