بە پەیڕەوکردنی ئەم ڕێنماییانە جگەرت بە تەندروستی بهێڵەوە
وێستگە ستایل-
هێشتنەوەی ئەندامی جگەر بە تەندروستی زۆر گرنگە چونکە ڕۆڵێکی سەرەکی دەگێڕێت لە هەرسکردن و پاککردنەوەی ژەهر و زیندە چالاکی لەش، بەم چەند ڕێنماییە دەتوانیت جگەرت بە تەندروتی بهێڵیتەوە:
- خواردنی ڕێجیمێکی تەندروست بۆ جگەر:
1- سەوزە و میوە بە تایبەت سەوزەی گەڵادار و لیمۆ و توو.
2- دانەوێڵەی تەواو.
3- پرۆتینی ماسی و مریشک.
4- چەوری تەندروست وەک زەیتی زەیتون، گوێز، ئەڤۆگادۆ.
5- کەمکردنەوەی خۆراکی چەور و سورکراوە، شەکر و خواردنەوە گازییەکان.
- دوورکەوتنەوە لە ماددە ژەهرەکان وەک:
1- کەمکردنەوەی خواردنەوەی کحول چونکە یەکێکە لە باوترین هۆکارەکانی تێکچوونی جگەر.
2- دوور بکەوەرەوە لە دەرمانی ناپێویست یان تەواوکەری گیایی کە زیان بە جگەر دەگەیەنێت وەک زیادەڕۆیی لە پاراسیتامۆڵ.
3 دووربکەوە لە بەکارهێنانی دوکەڵی کیمیایی، بەرهەمی پاککەرەوە، یان سپرای مێروو بەبێ پاراستن.
- پاراستنی کێشێکی تەندروست:
1- قەڵەوی ئەگەری تووشبوون بە نەخۆشی چەوری جگەر (NAFLD) زیاد دەکات.
2- وەرزشکردنی بەردەوام بەلایەنی کەمەوە 30 خولەک لە ڕۆژێکدا و خۆراکی هاوسەنگ یارمەتیدەرە بۆ ڕێگریکردن لە کۆبوونەوەی چەوری لە جگەردا.
- خۆپاراستن لە هەوکردن:
1- ئەگەر مەترسیت لەسەر بوو، کوتانی هەوکردنی ڤایرۆسی جگەری جۆری B بکە.
2- دوور بکەوەرەوە لە هاوبەشکردنی دەرزی، ئامێری تایبەت، یان فڵچەی ددان.
- ڕۆژانە ئاوی پێویست بخۆرەوە، یارمەتی جگەر دەدات ژەهرەکان بە شێوەیەکی کاریگەر دەربهێنێت.
- پشکنینی بەردەوام ئەنجام بدە:
1- پشکنینی ڕۆتینی کارکردنی جگەر (LFTs) دەتوانێت کێشەکان زوو دەستنیشان بکات.
2- ئەگەر تووشی نەخۆشی شەکرە، بەرزی کۆلیسترۆڵ، یان قەڵەوی بوویت، بە بەردەوامی چاودێری جگەرت بکە.
PM:02:53:28/10/2025
ئه‌م بابه‌ته 136
جار خوێنراوه‌ته‌وه