پزیشکێک: کێش لاوازی لە زیادکێشی مەترسیدارترە
وێستگە ستایل-
بە پێی توێژینەوەیەکی دانمارکی کە لەسەر 85 هەزار کەس کراوە دەرکەوتووە کە ئەو کەسانەی زیاد کێشن مەترسی تەندروستیان کەمترە بە بەراورد بەو کەسانەی کە زۆر لاوازن، واتا ئەگەر 5 بۆ 10 کیلۆ کێشی زیادت هەبێت هێشتا کێشەی تەندروستی کەمترت بۆ دروست دەکات بە بەراورد بە کەسێک کە 5 بۆ 10 کیلۆ لە نۆرمال کێشی کەمتر بێت.
- کەم کێشی دەبێتە هۆی:
1- لاوازی سیستەمی بەرگری و زوو زوو نەخۆش کەوتن.
2- لاوازی و بێهێزی ماسوولکە و ئێسکەکانت و ئێسکە نەرمی.
3- کەم خوێنی و بەدخۆراکی وەک کەمی کانزا و ڤیتامینەکان کە چەندەها کێشەی تەندروستی ترن بۆ دروست دەکەن.
4- كێشەی هۆرمۆنی و نەزۆکی هەردوو ڕەگەز و لاوازی هێزی سێکسی و تێکچوونی سووڕی مانگانە.
5- تێکچوونی لێدانی دڵ و دابەزینی فشاری خوێن.
6- تێکچوونی گەشەو باڵا.
7- درەنگ چاکبوونی برین و برینی نەشتەرگەری.
- لەبەر ئەوە ئەگەر کێشت لە نۆرماڵ کەمترە هەتا زووتر فریای خۆت کەویت و کێشت زیاد کەیت باشترە بەڵام بە ڕێگای زانستی و پزیشکی و لە ژێر چاودێری پزیشکدا.
PM:08:59:09/10/2025
ئه‌م بابه‌ته 260
جار خوێنراوه‌ته‌وه