جیاوازی نێوان نەشتەرگەری بە ئامێری ناوسکبین و بە شێوازی کراوە چییە ؟
وێستگە ستایل-
بەر لەوەی شێوازی ناوسکبین بێتە ئاراوە، پزیشکێکی نەشتەرگەری کە نەشتەرگەری بۆ سک یان ناوچەی حەوز ئەنجامدەدا دەبوو نەشتەرگەرییەکی کراوە ئەنجام بدات کە پێی دەوترێت لاپرۆتۆمی، کە بڕینێکی درێژی 6 بۆ 12 ئینج لە ڕێگەی دیواری سکەوە دەکرا، ئەم دەرچە گەورەترە شوێنی پێویستی بە پزیشکی نەشتەرگەری دەبەخشی کە بزانێت چی دەکات، لەم باسەدا دکتۆر هێمن حسێن پسپۆڕی نەشتەرگەری هەرس و جگەر باس لە جیاوازی نێوان نەشتەرگەری ناوسکبین و نەشتەرگەری کراوە دەکات.
- نەشتەرگەری بە ئامێری ناوسکبین بە نەشتەرگەری کەمترین برین (MIS) ناسراوە چونکە بڕینی بچووکتر بەکاردەهێنێت، کە پزیشکەکان سەرەتا بۆ نەشتەرگەری میزڵدان و نەشتەرگەری ئافرەتان بەکاریان هێنا، پاشان هاتە گۆڕەپانەکەوە بۆ ڕیخۆڵە و جگەر و ئەندامەکانی دیکە.
- لە کاتێکدا نەشتەرگەری بە ئامێری ناوسکبین ماوەی چاکبوونەوەی کورتترە لە نەشتەرگەری بە شێوازی کراوە، بەڵام لە هەندێک حاڵەتدا، وەکو حاڵەتی فریاگوزاری، ڕەنگە لاپارۆتۆمی گونجاوتر بێت بە هۆی کەمی کاتی پێویستەوە.
- سوودەکانی نەشتەرگەری بە ئامێری ناوسکبین ئەمانەن :
1- نەشتەرگەری بە ئامێری ناوسکبین چەندین سوودی هەیە بە بەراورد بە نەشتەرگەری تەقلیدی کەمتر بڕینی تێدایە، هەربۆیە پەڵەی کەمتر لە جەستە دروست دەکات.
2- خێراتر لە نەخۆشخانە دەردەچیت.
3- زووتر دەگەڕێیتەوە سەر چالاکییە ئاساییەکانت.
4- مەترسی هەوکردنی برینەکانت کەم دەبێتەوە.
5- مەترسی خوێنبەربوونت کەم دەبێتەوە.
6- کەمتر پێویستت بە دەرمانی ئازارشکێن دەبێت.
PM:03:55:02/10/2025
ئه‌م بابه‌ته 208
جار خوێنراوه‌ته‌وه