کاریگەری لاوەکی ئەم دەرمانە لەنێوان لەدەستدانی هەستی بیستن و بینین و هەڵوەرینی قژدا بووە.

بە گوێرەی داتاکان لە نێوان ساڵانی 2000 بۆ 2024 زیاتر لە 900 پیاو کە ئەم دەرمانەیان بەکارهێناوە لە وڵاتی بەریتانیا، نزیکەی   6 کەسیان بەهۆی  زۆر بەکارهێنانی دەرمانەکە هەستی بیستنیان بە تەواوەتی لە دەستداوە، هەروەها 41 حاڵەتی گرفتی بینین هەبووە کە دووان لەوان بەتەواوەتی بینینیان لەدەستداوە و دووانیان توشی تەڵخی و ناڕوونی بینین بوون و حاڵەتی نابینا بونەکە بەجۆرێک بووە کەسەکە هەموو دیمەنێکی بە شینی بریقەدار بینیوە.

هاوکات بەشێک لە بەکارهێنەرانی دەرمانەکە توشی نەخۆشی دەردە ڕێوی بوون و قژیان ڕوتاوەتەوە، هەندێکی دیکەیان توشی سوربونەوەی پێست و گرفتی ڕژێنی پەریزادە بوون و  حاڵەتی ئاوسانی دەم و زمان و سەرگێژخواردن و دڵەڕاوکێ و ئاوسانی سک لەناویاندا هەبووە.