بەستنی ملی منداڵدان چییە ؟
وێستگە ستایل-
بەستنی ملی ڕەحم ڕێکارێکی پزیشکی گرنگە بۆ پشتگیریکردنی دووگیانییەکی تەندروست، بە تایبەت لەو حاڵەتانەی کە ملی ڕەحم لاوازە یان مەترسی كرانەوەی پێشوەختەی هەیە، ئەم ڕێکارە بریتییە لە بەستن یان دوورینەوەی ملی ڕەحم بۆ ئەوەی بمێنێتەوە بە داخراوی، ئەم تەقەڵانە لە کۆتا مانگی دووگیانی یان ڕاستەوخۆ پێش لەدایکبوون لادەبرێن، لەم باسەدا دکتۆرە هدی محی الدین پسپۆڕی نەخۆشییەکانی ژنان و منداڵبوون باس لە سوودەکانی بەستنی ملی منداڵدان دەکات کە بریتین لە :
1- کەمکردنەوەی ئەگەری لەدایکبوونی پێشوەختە.
2- ڕێگریکردن لە لەبارچوون، بەو پێیەی کە لە کاتی دووگیانی تەندروستدا ملی ڕەحم بە داخراوی دەمێنێتەوە بۆ پشتگیریکردنی کۆرپەلە گەشەسەندووەکە تا کاتی منداڵبوون دێت، بەڵام لە هەندێک حاڵەتدا ڕەنگە ملی ڕەحم دەست بکات بە فراوانبوون یان تەنکبوونەوە پێشوەختە بەهۆی چەندین هۆکاری جیاوازەوە، وەک مێژووی برینداربوونی ملی ڕەحم، دووبارەبوونەوەی لەبارچوون، یان نائاسایی پێکهاتەیی. ئەم حاڵەتە بە لاوازبوونی ملی ڕەحم ناسراوە.
- کەی بەستنی ملی ڕەحم ئەنجام دەدرێت؟
1- ئەو نەخۆشانەی دووبارەبوونەوەی لەبارچوونیان هەیە.
2- لەدایکبوونی پێشوەختە بەهۆی لاوازی ملی ڕەحم.
3- کاتێک ملی ڕەحم تەنک و کورتە کە ئاماژەیە بۆ زیادبوونی مەترسی لەدایکبوونی پێشوەختە.
PM:04:16:11/09/2025
ئه‌م بابه‌ته 772
جار خوێنراوه‌ته‌وه