ئەگەر قەبزیت هەیە پێویستە لەم کاتانەدا سەردانی پزیشک بکەیت
وێستگە ستایل-
قەبزی حاڵەتێکی زۆر باوی نێو خەڵکە و بە شێوەیەکی گشتی لە نێو هەردوو ڕەگەزدا بوونی هەیە بە بێ جیاوازی، چەندین هۆکار هەن لە پشت ئەم حاڵەتەوە وەکو کەمی جووڵە، دووربوون لەو خۆراکانەی کە بڕێکی زۆر باش لە ڕیشاڵ لە پێکهاتەیاندا هەیە یان کەمخواردنەوەی ئاو و گۆڕانکاری لە ژەمە خۆراکییەکاندا، بەردەوامبوونی قەبزی دەکرێت کاریگەری نەرێنی لەسەر کۆئەندامی هەرس و کۆم بەجێبهێڵێت، لەم باسەدا دکتۆر هیوا ئەبوبەکر پسپۆڕی نەخۆشییەکانی هەرس و جگەر ڕێنمای دەداتە چارەخوازان کە لە چەند بارێکدا پێویستە سەردانی پزیشک بکەن وەک:
1- ئەگەر قەبزییەکە زیاتر لە 3 هەفتەی خایاند.
2- ئەگەر قەبزییەکە زۆر تووند بوو.
3- ئەگەر لەگەڵ قەبزییەکەدا شێوازی پیساییکردن گۆڕابوو.
4- ئەگەر قەبزییەکە نیشانەکانی وەک تا، بێهێزبوون، کێش دابەزین یان خوێن بینینی لەگەڵدابوو.
PM:05:32:30/08/2025
ئه‌م بابه‌ته 576
جار خوێنراوه‌ته‌وه