چۆن بڕینی پیاز دەبێتە هۆی ئاوکردنی چاو ؟
وێستگە ستایل-
کاتێک پیازێک دەبڕدرێت هەندێک ئاوێتەی (lachrymator) دەردەچن و کاریگەری لەسەر دەمارەکانی سەر ڕووپۆشی چاو (ڕژێنەکانی فرمێسک) دروست دەکات، ئەم پێکهاتانەی لە پیازەکە دەردەچن و لە ڕێگای هەوا دەگەنە چاو پێکدێن لە میثیۆنین و سیستین کە بەشێکن لە خێزانی ترشە ئەمینییەکان، لەم باسەدا دکتۆر حەسەن خۆشناو پسپۆڕی نەشتەرگەری نەخۆشیەکانی چاو ڕوونکرنەوەی زیاتر لەسەر ئەم حاڵەتە دەدات و چۆنیەتی ڕێگریکردن لەم کاردانەوەیە ئاشکرادەکات.
کاتێک پیازێک پارچە پارچە دەکرێت، خانەکانی پیازەکە ئەم ئاوێتانە ئازاد دەکەن بۆ هەوا، کاتێک ئەمە ڕوودەدات، "ئەنزیم" کاردەکات بۆ گۆڕینی ترشە ئەمینییەکان بۆ پێکهاتەی لاکریماتۆر (ترشی سەلفەر)،ئەم ترشە دەمارەکانی ڕژێنی فرمێسکی سەرەکی ڕژێنەکانی دەوروبەری (ڕووپۆشی) چاوەکان دەوروژێنێت و لە ئەنجامدا فرمێسک دەڕژێت.
- چۆن ڕێگری لەم کاردانەوەیە بکەین؟
1- چەقۆیەکی تیژ بەکاربێنە بۆ بڕینی پیازەکە بۆ کەمکردنەوەی دەرچوونی ماددەکانی خانەکانی پیازەکە.
2- پیازەکە لەناو سەلاجەدا سارد بکەرەوە بۆ ئەوەی کەمتر ئەو ماددانە پەرشوبڵاو ببنەوە کە دەگەنە چاو.
3- پیازەکە بخەرە ناو ئاوەوە تا ترشە ئەمینییەکان بتوێنەوە.
4- لەکاتی بڕینی پیازەکەدا چاویلکەی مەلەکردن لە چاو بکە.
5- بەکارهێنانی ئامێری ساحیبە و پانکە بۆ دوورخستنەوەی ئەلیلی سەلفاید.
PM:04:53:30/08/2025
ئه‌م بابه‌ته 488
جار خوێنراوه‌ته‌وه