ئەو کەسانە کێن کە پێویستە دووربکەونەوە لە خواردنەوەی چای سەوز ؟
وێستگە ستایل-
سەرەڕای چەندین سوودی گرنگی خواردنەوەی چای سەوز بۆ تەندروستی مرۆڤ، بەڵام ئەم خواردنەوەیە بۆ هەموو کەسێک نابێت و پێویستە خۆیان بەدووربگرن لە خواردنەوەی ئەم چایە.
پێگەی "The Health" ئاشکرایکردووە 6 گروپ لە خەڵکی هەن کە پێویستە ئاگاداربن و چای سەوز نەخۆنەوە، ئەوانیش بریتین لە :
1- ئەو کەسانەی دووچاری سکچوون هاتون یاخود حاڵەتی کۆڵۆنی وروژاویان هەیە.
2- پزیشکان دایک و باوکان ئاگاداردەکەنەوە لە پێدانی چای سەوز بە منداڵەکانیان بە هۆی بەرزی ڕێژەی کافاین تێیدا و کاریگەری ئەم خواردنەوەیە لەسەر هەڵمژینی ماددە سەرەکییە خۆراکییەکانی وەک پڕۆتین و چەورییەکان.
3- ئەو کەسانەی هەستیاریان بە ماددەی کافاین هەیە پێویستە خۆیان بەدوور بگرن لەم چایە، تەنانەت خواردنەوەی بڕێکی زۆر کەمیش دەبێتە هۆی خێرالێدانی دڵ، خەوزڕان و دەست لەرزین.
4- ئەو کەسانەی دەستنیشانکراون بە کەمی مادەی ئاسن بە هەموو جۆرێک دووربکەونەوە لە چای سەوز.
5- خواردنەوەی چای سەوز لە ماوەی دووگیانیدا دەکرێت ببێتە هۆی لەبارچوون.
6- ئەو کەسانەی ترشەڵۆکی گەدەیان دەگەڕێتەوە دووربکەونەوە لەم خواردنەوەیە، لەبەرئەوەی ترشەڵۆکی گەدە زیاتر دەکات.
AM:11:58:11/08/2025
ئه‌م بابه‌ته 760
جار خوێنراوه‌ته‌وه