ئایا بینینی خوێن لە سەرەتای دووگیانیدا نیشانەیە بۆ لەبارچوون ؟
وێستگە ستایل-
بینینی خوێن لە سەرەتای ماوەی دووگیانیدا هەمیشە بە مانای لەبارچوون نایەت، لە کاتێکدا خوێنبەربوونی زێ لە سەرەتای دووگیانیدا دەکرێت مەترسیدار بێت بەڵام لە ڕاستیدا تاڕادەیەک باوە و ئاساییە و لە نزیکەی 20-30%ی کۆی دووگیانییەکاندا ڕوودەدات، دکتۆرە کەاژن کاوە پسپۆڕی نەخۆشییەکانی ژنان و منداڵبوون لەم باسەدا هۆکارە باوەکانی خوێنبەربوونی سەرەتای ماوەی دووگیانی جگە لە لەبارچوون ڕووندەکاتەوە کە بریتین لە :
1- خوێنی چاندن: کاتێک ڕوودەدات کە هێلکەی پیتێنراو بە ناوپۆشی منداڵدانەوە دەلکێت، بەزۆری لە دەوروبەری 6 بۆ 12 ڕۆژ دوای هێلکەدابەزین.
2- بوونی خوێن مەینێک لە نێوان دیواری منداڵدان و پەردەی کۆریۆنی دەوری کۆرپەلە: زۆرجار خۆی چارەسەر دەبێت بەڵام پێویستی بە چاودێری هەیە.
3- کێشەی ملی ڕەحم: ملی ڕەحم لە کاتی دووگیانیدا هەستیار تر دەبێت هەر بۆیە جووتبوون، پشکنینی زێ، یان تەنانەت ماندووبوون دەتوانێت ببێتە هۆی بینینی پەڵەی خوێن.
4- هەوکردن: هەوکردنی زێ یان ملی ڕەحم لەوانەیە ببێتە هۆی خوێنبەربوون.
5- دووگیانی دەرەوەی منداڵدان: حاڵەتێکی جددییە و کاتێک ڕوودەدات کە کۆرپەلە لە دەرەوەی منداڵدان دەچێنرێت، بەزۆری لە بۆری فالۆپدا.
PM:01:38:10/08/2025
ئه‌م بابه‌ته 856
جار خوێنراوه‌ته‌وه