ئه‌م پزیشكه‌ ده‌ڵێت" باوترین ئه‌و هۆكارانه‌ی‌ ئه‌گه‌ری توشبوون به‌شه‌كره‌ی‌ جۆری دووه‌م زیاد ده‌كات، تێپه‌ڕبوونی ته‌مه‌نه‌ واته‌ سه‌روو 45 ساڵ و كه‌می چالاكی جه‌سته‌ی‌ و خواردنی ئه‌و خۆراكانه‌ی‌ ده‌وڵه‌مه‌نده‌ به‌كاربۆهیدرات و چه‌وری گۆڕاو و ژه‌می خێرایه‌، ئه‌و كه‌سانه‌ش كه‌ توشبووی نه‌خۆشییه‌كانی كۆئه‌ندامی هه‌رس و به‌رزی په‌ستانی خوێن و شه‌كره‌ی‌ دووگیانین ئه‌گه‌ری توشبوونیان زۆره‌ به‌م نه‌خۆشییه‌، بۆماوه‌ی‌ %45-40 توشبوون به‌م جۆره‌ی‌ شه‌كره‌ زیاد ده‌كات"

ئه‌م پزیشكه‌ جه‌خت له‌سه‌ر ئه‌وه‌ ده‌كاته‌وه‌ خواردنی خۆراكی ته‌ندروست و وه‌رزشكردن و كۆنترۆڵكردنی كێشی له‌ش مه‌ترسی توشبوون به‌م نه‌خۆشییه‌ كه‌مده‌كه‌نه‌وه‌، دووركه‌وتنه‌وه‌ له‌ خواردنی شیری و به‌رهه‌مه‌كانی ئاردی سپی هه‌نگاوێكی باشه‌ بۆ كه‌مكردنه‌وه‌ی‌ توشبوون به‌م نه‌خۆشییه‌.

شه‌كره‌ی‌ جۆری دووه‌م یه‌كێكه‌ له‌و نه‌خۆشییانه‌ی‌ پێی ده‌وترێت" زوو پیركه‌ر" به‌ڵام ده‌كرێت به‌ ژیانێكی ته‌ندروستانه‌ ئه‌گه‌ری توشبوون به‌م نه‌خۆشییه‌ كه‌مبكرێته‌وه‌.