لە لایەکی دیکەوە ئەو ژەهرەی هەیانە وزەیەکی زۆری تێدایە بۆیە بایەخێکی زۆری هەیە لە لایان، هەر بۆیە زۆربەی جار هیچ ژەهرێک ناکەنە لەشی مرۆڤەوە لە کاتی پێوەداندا و تەنیا گازی لێدەگرن بەمەش دەوترێت وشکەگاز، بەڵام بە شێوەیەکی گشتی پێویستە خۆمان بە دوور بگرین لە هەر جێگەیەکی تاریک و دەشت و چاڵ بۆ ڕێگریکردن لە پێوەدانی مار و دووپشک، دکتۆر زانیار پسپۆڕی نەخۆشییەکانی هەناو لە وەڵامی ئەو پرسیارەی کە لە ئەگەری پێوەدانی مار یان دووپشک چواردەورەکە چیبکەن دەڵێت:

1- گرنگە ئەو کەسەی مار یان دووپشک پێوەی داوە هێور بکرێتەوە.

2- نابێت شوێنی پێوەدانەکە بجووڵێنرێت.

3- باشترە ئەو ناوچەیە بە پارچە پەڕۆیەک ببەسترێت بەڵام بە فشارێکی کەم.

4- بە هیج شێوەیەک ناوچەی سەرەوەی پێوەدانەکە قۆڵ بیت یان قاچ نابێت بە توندی ببەسترێت، ئەمە دەبێتە هۆی لە ناوچوونی ئەو پەلە.

5- بە هیچ شێوەیەک هەوڵی مژینی شوێنی پێوەدانەکە مەدەن بە مەبەستی دەرهێنانی ژەهر.

6- پێویستە بە زوترین کات کەسەکە بگەیەنرێتە نزیکترین ناوەندی تەندروستی.