پپسۆڕێك: دواکەوتنی قسەکردنی منداڵ هه‌تا تەمەنێکی دیاریكراو ئاساییە
وێستگە ستایل-
منداڵی ئاسایی بە چەند قۆناغێکی گەشەکردندا تێپەڕدەبێت کە تیایدا منداڵ لە تەمەنی 4 بۆ 5 مانگیدا پێویستە هەندێک گروگاڵ و دەنگدانەوەی هەبێت،به‌ڵام ئایا دواكه‌وتنی قسه‌كردنی منداڵ هه‌تا چ ته‌مه‌نێك ئاساییه؟ فەرھاد محمد پسپۆڕی نەخۆشییەکانی ئاخاوتن و زمان، ئۆتیزم له‌م بابه‌ته‌دا وه‌ڵامی ئه‌م پرسیاره ده‌داته‌وه.
ئه‌م پسپۆڕه ده‌ڵێت"لە تەمەنی یەک ساڵیدا منداڵ پێویستە توانای وتنی هەندێک لە وشەکانی هەبێت، کاتێک منداڵان دەگەنە تەمەنی 2 ساڵی قسەکردنیان زیاتر دەبێت و دەتوانن دوو وشە پێکەوە بڵێن وەکوو ڕستە، دواتر لە تەمەنی 3 ساڵیدا ڕستەکان درێژتر و زۆرتر دەبنەوە."
ده‌شَڵێت" لە کاتی دواکەوتنی هەریەک لەم قۆناغانەدا دایک و باوک پێویستە ئاگاداربن چونکە ئەمە بوونی هەندێک کێشە لە منداڵەکەدا پیشان دەدات بۆیە وا باشترە سەردانی پسپۆری ئەم بوارە بکەن."
PM:10:10:07/05/2025
ئه‌م بابه‌ته 660
جار خوێنراوه‌ته‌وه