ئایا قەڵەوی چ پەیوەندییەکی بە نەخۆشییەکانی دڵ و شەکرە هەیە؟
وێستگە ستایل-
قەڵەوی پەیوەندییەکی بەهێزی بە هەردوو نەخۆشی دڵ و شەکرەی جۆری دووەمەوە هەیە، چونکە قەڵەوی کارکردنی ئاسایی زیندەچالاکی لەش و دڵ و خوێنبەرەکان تێکدەدات، دکتۆر ھاوار پزیشکی پسپۆڕی نەخۆشیەکانی مەمک و غودە و کۆئەندامی هەرس له‌م بابه‌ته‌دا په‌یوه‌ندی نێوان نه‌خۆشییه‌كانی دڵ و شه‌كره و قه‌ڵه‌وی باسده‌كات.
قەڵەوی و نەخۆشییەکانی دڵ:
1-بەرزی پەستانی خوێن: زیادبوونی چەوری لەش کارکردنی دڵ زیاد دەکات و پەستانی خوێن بەرز دەکاتەوە، ئەمەش هۆکارێکی سەرەکییە بۆ تووشبوون بە نەخۆشییەکانی دڵ.
2-بەرزی کۆلیسترۆڵ و سێ گلیسیرید: زۆرجار قەڵەوی دەبێتە هۆی بەرزبوونەوەی ئاستی کۆلیسترۆڵی ناتەندروست (بۆ نموونە بەرزی LDL، و بەرزبوونەوەی سێ گلیسیرید)، کە بەشدارن لە ڕەقبوونی خوێنبەرەکان و نەخۆشییەکانی دڵ
3-هەوکردن: شانەکانی چەوری بەتایبەتی دەوروبەری سک، ماددەی هەوکردن دەردەدەن کە زیان بە خوێنبەرەکان و دڵ دەگەیەنن.
4-زیادبوونی ئەگەری سستبوونی دڵ و جەڵتەی مێشک: بەهۆی فشار لەسەر دڵ و کۆئەندامی خوێنبەرەکان.
قەڵەوی و نەخۆشی شەکرە (جۆری دووەم):
1-بەرگری ئەنسۆلین: چەوری زیادە بەتایبەتی لە جگەر و ماسولکەکاندا، کاریگەری لەسەر توانای ئەنسۆلین هەیە بۆ ڕێکخستنی شەکری خوێن.
2-پەنکریاس زیاتر کاردەکات بۆ بەرهەمهێنانی ئەنسۆلین و بە تێپەڕبوونی کات ئەمەش دەبێتە هۆی تێکچوونی کارکردنی خانەکانی پەنکریاس و کەمبوونەوەی بەرهەمهێنانی ئەنسۆلین.
PM:05:30:04/05/2025
ئه‌م بابه‌ته 364
جار خوێنراوه‌ته‌وه