جێگەی باسە ئەم مۆزەخانەیەی پاریس بە پیشاندانی ئێسکە پەیکەرە مێژووییەکانی گیانلەبەرە لەناوچووەکانی دایناسۆر و گیانلەبەرانی دیکەی هاوشێوە ناسراوە، هەروەها هۆڵێکی دیکە تایبەت بە جیۆلۆجی و نیشاندانی کانزا بەنرخە سروشتییەکان تەرخان کراوە.

بە گوێرەی زانیارییەکان ئەم دزانە ڕۆژی سێشەممە هەڵیانکوتاوەتە سەر مۆزەخانەکە و لە ڕێگەی بەکارهێنانی ئامێرە تیژەکانی وەک مشاری کارەبایی و مەشخەڵی ئاگرین توانیویانە چەند پارچەیەکی زێڕی خاو بدزن.

لای خۆیەوە دەستەی بەڕێوەبردنی مۆزەخانەکە ڕایانگەیاند کە سەرجەمی نمونە زێڕە دزراوەکان زێڕی خاو بوون، ئەمەش بە واتای ئەوە دێت کە کانزاکانی زێڕ و زیو تێکەڵ بوون بە بێ جیاکردنەوەیان لە یەکدی، هەروەها سەرچاوەیەکی پۆلیسی فەرەنسا بە گۆڤاری Le Parisien ی ڕاگەیاند کە لە مانگی تەمموزەوە بە هۆکاری هێرشی سایبەری هەریەکە لە زەنگی ئاگادارکردنەوە و سیستەمی پاراستنی مۆزەخانەکە تێکشکاون، ئەمەش بۆتە ڕێگا خۆشکەر بۆ دزەکان بە مەبەستی گەیشتن بە مەرامەکانیان.